Saturday, November 28, 2020

کالے شیشوں والی گاڑی روکنا ٹریفک وارڈن کو مہنگا پڑ گیا

ٹریفک وارڈن

پنجاب کے دارالحکومت میں کالے شیشوں والی گاڑی روکنا ٹریفک وارڈن کو مہنگا پڑ گیا۔

لاہور میں جیل روڈ پر ٹریفک وارڈن نے کار سوار کو روک کر کاغذات طلب کیے تو ڈرائیور نے وارڈن کے ساتھ بدتمیزی کی اور ٹکر مار کر اسے کار کے بونٹ پر گرادیا۔

ٹریفک پولیس کے مطابق جیل روڈ پر وسیم نامی وارڈن نے کالے شیشے والی گاڑی کو روک کر کاغذات طلب کیے تھے، ڈرائیور نے وارڈن کے ساتھ بدتمیزی کی اور ٹکر مار کر اسے گرا کر فرار ہوگیا۔

پولیس کے مطابق کار سوار وارڈن کو بونٹ پر بٹھا کر جیل روڈ پر زگ زیگ کرتے ہوئے سڑک پر پر گھماتا رہا اور پھر اسے بریک لگا کر گرادیا۔

پولیس کا کہنا ہے کہ وارڈن وسیم کی مدعیت میں نامعلوم کار مالک کے خلاف تھانہ شادمان میں مقدمہ درج کرلیا گیا ہے۔

پولیس کے مطابق سی سی ٹی وی فوٹیج کی مدد سے ڈرائیور کی تلاش جاری ہے، کار مالک کو جلد گرفتار کرلیا جائے گا۔



from سچ ٹی وی اردو - تازہ ترین خبریں https://ift.tt/2VdOu7b

Related Posts:

0 comments:

Popular Posts Khyber Times