پاک فضائیہ کی پہلی خاتون شہید فلائنگ آفیسر پائلٹ مریم مختار کی پانچویں برسی آج منائی جا رہی ہے۔
ملک کی بیٹیاں بھی دفاع وطن میں اپنے بھائیوں کے شانہ بشانہ ہیں۔ یہی عزم لیے پاک فضائیہ میں شمولیت اختیار کرنے والی مریم مختیار نے جام شہادت نوش کر کے پاکستان کی پہلی خاتون شہید پائلٹ ہونے کا اعزاز حاصل کیا۔
قوم کی اس نڈر اور دلیر بیٹی نے 24 نومبر 2015 کو تربیتی طیارے پر معمول کی پرواز کے دوران میانوالی کے قریب فنی خرابی کے باعث جہاز تباہ ہونے سے شہید ہو گئی تھیں۔ طیارے میں خرابی ہوئی تو بہادر مریم نے اسے کا رخ غیرآباد علاقے کی طرف موڑ لیا تھا۔
مریم مختار شہر قائد میں 18 مئی 1992 کو آنکھ کھولی۔ انہوں نے انٹر میڈیٹ کا امتحان آرمی پبلک اسکول و کالج ملیر کینٹ کراچی سے پاس کیا۔ وہ فٹبال کی بہترین کھلاڑی ہونے کے ساتھ ساتھ نیشنل وومن فٹ بال چیمپین شپ میں بلوچستان یونائیٹڈ کے لیے بھی کھیل چکی ہیں.
مریم مختار نے 2014 میں پاکستان ایئر فورس میں گریجویٹ کے طور پر شمولیت کی۔ ان کا تعلق پی اے ایف کے 132ویں جی ڈی پائلٹ کورس سے تھا، جس میں6 دیگر خواتین بھی شریک تھیں۔
from سچ ٹی وی اردو - تازہ ترین خبریں https://ift.tt/3l6mahO
0 comments: