قومی احتساب بیورو (نیب) نے کارروائی کرتے ہوئے جمعیت علمائے اسلام (جے یو آئی) ف کے سربراہ مولانا فضل الرحمان کے پرسنل سیکرٹری کے والد کو گرفتار کر لیا۔
نیب ذرائع کے مطابق گرفتار کیے گئے موسیٰ خان بلوچ سابق ڈی جی ایف او ہیں اور موسیٰ خان بلوچ کے خلاف آمدن سے زائد اثاثوں کی تحقیقات کی جا رہی تھیں۔
گرفتار ہونے والے موسیٰ خان کے بڑے بیٹے مولانا فضل الرحمان کے پرسنل سیکرٹری ہیں۔
واضح رہے کہ دو روز قبل نیب نے مولانا فضل الرحمان کو بھی طلبی کا نوٹس بھیجا ہے اور انہیں یکم اکتوبر کو نیب آفس میں پیش ہونے کی ہدایت کی ہے۔
نوٹس کے مطابق نیب خیبر پختونخوا کے پاس کیس میں شواہد اور معلومات ہیں، پیش نہ ہونے کی صورت میں نیب قانون کے تحت کارروائی کرے گا۔
یاد رہے کہ گزشتہ ماہ نیب نے مولانا فضل الرحمان کے بھائی ضیا الرحمان کیخلاف اشیا کی خریداری میں خورد برد کا الزام تحقیقات شروع کرتے ہوئے انہیں 25 اگست کو طلب کیا تھا۔
from سچ ٹی وی اردو - تازہ ترین خبریں https://ift.tt/2G2bCBh
0 comments: