ٹرک میں سی این جی بھرنے کے دوران سلینڈر زور دار دھماکے سے پھٹ گیا، جس کے نتیجے میں سی این جی اسٹیشن کے دو ملازمین جل کر شدید زخمی ہوگئے۔
بھارت کے دارالحکومت نئی دہلی کے دوارکا سیکٹر20 میں ایک سی این جی اسٹیشن پر ٹرک میں سی این جی بھرنے کے دوران اچانک زور دار دھماکہ کے ساتھ ٹرک کا سلینڈر پھٹ گیا۔
دھماکے کی آواز اتنی شدید تھی کہ دور دور تک سنی گئی جس کے باعث علاقے میں خوف و ہراس پھیل گیا۔ دھماکے کی زد میں آکر ٹرک میں سی این جی بھرنے والے اسٹیشن کے ملازمین راکیش اور پون جلنے سے شدید زخمی ہوگئے، جنہیں مقامی اسپتال میں علاج کے لئے داخل کرایا گیا ہے۔
اس حوالے سے موقع پر موجود فائر بریگیڈ کے افسر کا کہنا تھا کہ یہ حادثہ مزید بڑا اور جان لیوا بھی ہو سکتا تھا لیکن بڑا حادثہ ہونے سے بچ گیا کیونکہ دوسرا سلینڈر بھی لیک کر رہا تھا۔
انہوں نے کہا کہ دیگر صورت میں دھماکہ کے ساتھ آگ لگنے کا خطرہ بھی موجود تھا جس سے بڑی تباہی پھیل سکتی تھی، اس لئے سی این جی اسٹیشن پر بھرائی کے دوران لوگوں کو جائے وقوعہ سے دور کر دیا گیا۔
from سچ ٹی وی اردو - تازہ ترین خبریں https://ift.tt/2GcSKiW
0 comments: