وزیر اعظم عمران خان نے لاکھوں بچوں کو اسکول واپسی پر خوش آمدید کہتے ہوئے کہا ہر بچےکا بحفاظت اسکول جانا یقینی بنانا ہماری ترجیح اور اجتماعی ذمہ داری ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ لاکھوں بچوں کواسکول واپسی پر خوش آمدید کہتےہیں، ہر بچےکا بحفاظت اسکول جانا یقینی بنانا ہماری ترجیح اوراجتماعی ذمہ داری ہے، ہم نے تدریسی سرگرمیوں کوصحت عامہ قواعد سےہم آہنگ بنانےکاخاص اہتمام کیا ہے۔
کل سکول واپسی پر ہم لاکھوں بچوں کو خوش آمدید کہیں گے۔ یہ یقینی بنانا کہ ہر بچہ حصولِ علم کیلئےبحفاظت سکول جاسکے، ہماری ترجیح اور اجتماعی ذمہ داری ہے۔ ہم نےسکولوں میں تدریسی سرگرمیوں کو #COVID19 کے حوالےسےصحتِ عامہ کے قواعد سےہم آہنگ بنانے کا بطورِ خاص اہتمام کیا ہے۔#SafeAtSchool
— Imran Khan (@ImranKhanPTI) September 14, 2020
یاد رہے گذشتہ ہفتے کورونا کیسز میں کمی کے بعد وفاقی وزیر تعلیم شفقت محمود نے 15 ستمبر سے مرحلہ وار تعلیمی سرگرمیاں دوبارہ شروع کرنے کا اعلان کیا تھا۔
وزیر اعظم کے معاون خصوصی ڈاکٹر فیصل سلطان کے ہمراہ پریس کانفرنس سے خطاب کرتے ہوئے وزیر تعلیم نے کہا تھا 13 مارچ کو اسکول کی بندش کا فیصلہ مشکل تھا، کرونا کے دوران بچوں کے امتحانات لینا بھی مشکل تھا، اسکول کھولنے سے متعلق مختلف فورمز پر مسلسل تحقیق کی گئی ہے، تعلیمی نقصان کو چند ماہ میں پورا کرنے کی کوشش کریں گے۔
ان کا کہنا تھا کہ ستمبر سے یونی ورسٹیاں اور کالجز کھولے جائیں گے جبکہ ہائر ایجوکیشن کے انسٹی ٹیوشنز کھلیں گے، نویں، دسویں، گیارہویں، بارہویں کلاسوں کی بھی اجازت ہوگی، 7 دن دیکھیں گے پھر دوبارہ جائزہ لیا جائے گا، جائزے کے بعد 23 ستمبر کو چھٹی، ساتویں، 8 ویں جماعت کو اجازت دی جائے گی اور ایک ہفتہ مزید حالات کا جائزہ لیا جائے گا، جائزے کے بعد 30 ستمبر کو پرائمری اسکولز بھی کھولنے کا فیصلہ ہوگا۔
سلسلے میں ڈاکٹر فیصل نے کہا کہ احتیاطی تدابیر کی تفصیلات ویب سائٹ پر موجود ہے، کرونا وبا سے متعلق صورت حال تسلی بخش نظر آ رہی ہیں، تاہم وبا کا پھیلاؤ روکنے کے لیے ایک کلاس روم میں 40 میں سے 20 طلبہ کو بلایا جائے، 20 بچوں کی ایک دن کلاس رکھی جائے اور 20 بچوں کی اگلے دن۔
from سچ ٹی وی اردو - تازہ ترین خبریں https://ift.tt/33tCulA
0 comments: