مریم نواز کی سیاست میں واپسی، سابق وزیر اعظم کی سزا سے متعلق کچھ اہم پہلو واضح

پاکستان مسلم لیگ ن کی رہنما مریم نواز نے کہا ہے کہ جب میری والدہ زندگی و موت کی کشمکش میں مبتلا تھیں اور ووٹ اپنی عزت کی جنگ لڑرہا تھا عین اس وقت سزا سنانے کے پیچھے جو مقاصد تھے وہ آج سب پہ عیاں ہوچکے ہیں۔

مائیکرو بلاگنگ سائٹ ٹوئٹر پر ایک پیغام میں مریم نواز نے لکھا کہ انتقام کو دیکھتے ہوئے بھی ہم اگر آج کے دن دو سال پہلے واپسی کا کٹھن فیصلہ نہ کرتے تو آج ایک جج اپنے جرم کا اعتراف نہ کرتا۔ 

جب میری والدہ زندگی و موت کی کشمکش میں مبتلا تھیں اور ووٹ اپنی عزت کی جنگ لڑرہاتھا عین اس وقت سزاسنانے کےپیچھےجو مقاصد تھےوہ آج سب پہ عیاں ہوچکے ہیں pic.twitter.com/CrjMkFUPEQ

— Maryam Nawaz Sharif (@MaryamNSharif) July 12, 2020

انہوں نے مزید لکھا کہ نہ قوم جان سکتی کہ کیسے بے گناہ سابق وزیر اعظم نواز شریف کو دباؤ میں آکر ناحق سزا سنائی گئی، وطن کی مٹی گواہ ہے اور رہے گی۔

انتقام کو دیکھتے ہوئے بھی ہم اگر آج کے دن، دو سال پہلے، واپسی کا کٹھن فیصلہ نہ کرتے تو آج ایک جج اپنے جرم کا اعتراف نہ کرتا اور نہ قوم جان سکتی کہ کیسے بے گناہ نواشریف کو دباؤ میں آکر ناحق سزا سنائی گئی۔ وطن کی مٹی گواہ ہے اور رہے گی۔

— Maryam Nawaz Sharif (@MaryamNSharif) July 12, 2020

واضح رہے کہ کچھ دن قبل بھی مریم نواز نے ٹوئٹ پیغام میں چیف جسٹس لاہور ہائیکورٹ کی سربراہی میں انتظامی کمیٹی کے فیصلے پر ردعمل دیتے ہوئے کہا تھا کہ اس فیصلے نے نواز شریف پر ہی نہیں بلکہ عدل و انصاف کے دامن پر لگا ایک بڑا داغ دھویا ہے، آج کا فیصلہ بے شک سچ کی فتح اور جھوٹ کی شکست ہے۔

چیف جسٹس لاہور ہائیکورٹ نے ویڈیو اسکینڈل میں ملوث جج ارشد ملک کو ملازمت سے برطرف کر دیا، اسکینڈل سامنے آنے پر انہیں عہدے سے ہٹایا گیا تھا۔

 

from سچ ٹی وی اردو - تازہ ترین خبریں https://ift.tt/3fju98W

• Tweet
• Share
• Share
• Share
• Share