اوورسیزپاکستانی محنت کشوں کے مسائل کے حل کیلئے حکومتی کوششیں تیز کردیں گئیں ، پاکستان اور متحدہ عرب امارات کے حکام کے درمیان اہم ملاقات آج ہو گی۔
وزیراعظم کے معاون خصوصی زلفی بخاری اہم دورے پر یو اے ای میں موجود ہیں ، زلفی بخاری کی یو اے ای وزیرافرادی قوت نصیربن ثانی سے کچھ دیر میں ملاقات ہو گی۔
ملاقات میں یو اے ای میں مقیم پاکستانیوں کو درپیش مسائل کو حل کرنے پر مشاورت ہوگی اور کورونا وباکے دوران بے روزگار ہونے والے پاکستانیوں کا معاملہ اٹھایا جائے گا
دوران ملاقات بے روزگارپاکستانی مزدوروں کی ملازمتوں پر دوبارہ بحالی پر بھی گفتگو ہوگی۔
اپنے دورے کے دوران زلفی بخاری پاکستانی قونصلیٹ کا دورہ کریں گے جبکہ سفارتخانے کے حکام اور کورونا کی صورتحال میں متحرک کردار ادا کرنے والی پاکستانی کمیونٹی سے ملاقاتیں کریں گے۔
زلفی بخاری کورونا وائرس کے دوران کمیونٹی کو بھرپور تعاون فراہم کرنے پر خراج تحسین پیش کریں گے جبکہ اوور سیز پاکستانیوں کی آسانیوں کے لیے مختلف تجاویز پر بھی مشاورت کی جائے گی۔
from سچ ٹی وی اردو - تازہ ترین خبریں https://ift.tt/2CvlulR
0 comments: