عثمان بزدار کی ہدایت پر کی گئی شفاف ترین نیلامی سے 75 کروڑ روپے سے زائد کے فنڈز سرکاری خزانے میں جمع کرا دیئے گئے، یہ ناکارہ گاڑیاں، فرنیچر اور مشینری سال ہا سال سے سرکاری دفاتر میں پڑیں تھیں۔
وزیر اعلیٰ عثمان بزدار نے اس سلسلے میں میڈیا سے گفتگو کرتے ہوئے کہا کہ حکومتِ پنجاب نے بغیر فنڈز جاری کیے 75 کروڑ روپے کے فنڈز جنریٹ کیے، ہمارا یہ اقدام دفاتر کو صاف، نظام کو شفاف بنانے کی عمدہ مثال ہے۔
عثمان بزدار نے بتایا کہ یہ نیلامی ڈویژنل کمشنرز، ڈپٹی کمشنرز اور محکمہ پولیس میں کی گئی، نیلامی سے حاصل رقم صوبائی خزانے میں جمع کرائی گئی ہے، دفاتر میں عملے، وزیٹرز کے لیے جگہ کم تھی اور بے کار سامان نے زیادہ جگہ گھیر رکھی تھی جس کے سبب ناکارہ سامان کی نیلامی کی گئی۔
انھوں نے کہا ہم عوام کے خون پسینے کی کمائی کے امین ہیں، ماضی کے ادوار میں سرکاری خزانے کو بے دردی سے لوٹا گیا، سابق حکمرانوں نے سرکاری امانت میں خیانت کی۔
یاد رہے کہ ایک ہفتہ قبل وزیر اعلیٰ پنجاب عثمان بزدار نے پارلیمانی پارٹی اجلاس میں خبردار کیا تھا کہ سرکاری سطح پر فضول خرچیوں کی پہلے اجازت دی گئی نہ ہی آئندہ دی جائے گی۔
from سچ ٹی وی اردو - تازہ ترین خبریں https://ift.tt/2BseDZu
0 comments: