گزشتہ 2 دن سے معروف اداکارہ کے حوالے سے سوشل میڈیا اور نیوز ویب سائٹس پر کورونا سے متعلق خبریں وائرل تھیں۔
تاہم اب اداکارہ نے ان خبروں کی تصدیق کرتے ہوئے بتایا کہ ان کی طبعیت زیادہ اچھی نہیں۔
روبینہ اشرف کا کہنا ہے کہ ان میں کورونا کی تشخیص ہوئی ہے اور ان کی طبعیت بہت زیادہ اچھی نہیں۔
روبینہ اشرف سے قبل معروف اداکارہ و ٹی وی میزبان ندا یاسر اور ان کے شوہر یاسر نواز سمیت ان کی بیٹی میں بھی کورونا کی تشخیص ہوئی تھی۔
علاوہ ازیں ندا یاسر کے مارننگ شو میں شرکت کرنے والے اداکار نوید رضا میں بھی کورونا کی تشخیص ہوئی تھی۔
چند دن قبل سوشل میڈیا پر ندا یاسر کی طبعیت انتہائی تشویش ناک ہونے کی افواہیں بھی تھیں مگر اداکارہ نے اپنی سوشل میڈیا پوسٹ کے ذریعے ایسی خبروں کو مسترد کرتے ہوئے کہا تھا کہ ان کی طبیعت بہتر اور وہ گھر پر ہی ہیں۔
خیال رہے کہ گزشتہ ماہ 21 مئی کو کورونا کے باعث سندھی و اردو اسٹیج ڈراموں اور ٹی وی کے اداکار صغیر الٰہی کھچی بھی کورونا کے باعث چل بسے تھے۔
صغیر الہٰی کھچی کا تعلق سندھ کے ضلع لاڑکانہ سے تھا اور ان کے دیگر اہل خانہ اور رشتہ دار بھی وبا میں مبتلا ہوچکے تھے جب کہ ان کے محلے کے 10 افراد بھی کورونا کے باعث جاں بحق ہوئے تھے۔
پاکستان میں اگرچہ گزشتہ ماہ مئی کے وسط کے بعد لاک ڈاؤن میں نرمی کردی گئی تھی، تاہم ملک بھر میں کورونا کے نئے کیسز میں تیزی سے اضافہ ہو رہا ہے۔
ملک میں 2 جون کو ہی 4 ہزار تک نئے کیسز سامنے آئے تھے جب کہ مزید 40 افراد جاں بحق ہوگئے تھے۔
پاکستان بھر میں تین مئی کی دوپہر تک کورونا کے مریضوں کی تعداد78 ہزار 824 تک جا پہنچی تھی جب کہ اموات کی تعداد 1678 تک جا پہنچی تھی۔
ملک میں سب سے زیادہ کورونا کے مریض صوبہ سندھ میں ہے، جہاں مریضوں کی تعداد 31 ہزار سے زائد جب کہ پنجاب مریضوں کے حوالے سے 28 ہزار کے قریب مریضوں کے ساتھ دوسرے نمبر پر تھا۔
from سچ ٹی وی اردو - تازہ ترین خبریں https://ift.tt/2zZ3fUt
0 comments: