رمضان المبارک کے آخری جمعے کو کراچی ایئر پورٹ کے قریب رہائشی آبادی میں حادثے کا شکار ہونے والے پی آئی اے طیارہ حادثے کی ابتدائی تحقیقیات رپورٹ تیار کرلی گئی۔
ذرایع کا کہنا ہے کہ رپورٹ ایئر کموڈور عثمان غنی ایوی ایشن ڈویژن کو پیش کریں گے، ابتدائی تحقیقاتی رپورٹ میں اب تک ہونے والے تمام شواہد شامل کیے گئے ہیں۔
ذرائع کا کہنا ہے کہ کپتان کا ڈیوٹی روسٹر، ائیر ٹریفک کنٹرولر سے گفتگو رپورٹ میں شامل کی گئی ہے، طیارے کی نیلی لینڈنگ کی سی ٹی وی فوٹیجزز کو بھی رپورٹ کا حصّہ بنایا گیا ہے۔
تفتیشی اہلکاروں نے رپورٹ میں فلائٹ ڈیٹا ریکارڈر، کاک پٹ وائس ریکارڈر سے ملنے والی معلومات کو بھی شامل کیا ہے جبکہ لاہور سے کراچی پرواز کا ایئر ٹریفک کنٹرول سے حاصل ریکارڈ رپورٹ کا حصہ بنایا گیا ہے۔
ذرائع کا کہنا ہے کہ زیر ہوا بازی غلام سرور خان آج ابتدائی رپورٹ منظر عام پر لائی جائے گی، غلام سرور خان ابتدائی رپورٹ وزیر اعظم کو بھی پیش کریں گے۔
واضح رہے کہ پی آئی اے طیارہ حادثے کی تحقیقات کرنے والی ایئربس کمپنی کی ٹیم جہاز کا بلیک باکس اورکاک پٹ وائس رکارڈر لے کر پیرس روانہ ہوگئی ہے، بلیک باکس کی ڈی کوڈنگ کا عمل کل شروع کیا جائے گا۔
یاد رہے کہ 22 مئی جمعۃ الوداع کو لاہور سے کراچی آنے والا پی آئی اے کا طیارہ ایئرپورٹ کے قریب واقع ماڈل کالونی جناح گارڈن کی رہائشی آبادی پر گر کر تباہ ہوگیا تھا جس کے نتیجے میں 97 مسافر ہلاک جبکہ 2 مسافر معجزانہ طور پر بچ گئے تھے۔ حادثے میں مقامی لوگوں کی ہلاکتیں بھی ہوئیں جبکہ پانچ گھر مکمل تباہ ہوگئے۔
from سچ ٹی وی اردو - تازہ ترین خبریں https://ift.tt/3eirsnA
0 comments: