وزیر قانون پنجاب اور چیف سیکرٹری پنجاب کی زیرصدارت اجلاس ہوا۔ چیف سیکرٹری پنجاب نے ہدایت کی کہ پیٹرولیم مصنوعات کی قیمتوں میں کمی کا براہ راست فائدہ عوام کو پہنچایا جائے اور افسران نرخوں میں کمی کے لیے ایس او پیز کے مطابق خود فیلڈ میں نکلیں۔
اجلاس کو بریفنگ دی گئی کہ 2 ہفتوں کے دوران گراں فروشی پرایک ہزار 226 مقدمات کا اندراج ہوا ہے جبکہ گراں فروشی پر ایک ہزار 322 افراد کو گرفتار کیا گیا۔
اجلاس کے شرکاء کو بتایا گیا کہ گراں فروشوں کو 6 کروڑ 6 لاکھ 27 ہزار روپے کا جرمانہ بھی کیا گیا اور 412 ذخیرہ اندوزوں کے خلاف مقدمات درج کیے گئے۔
چیف سیکرٹری پنجاب نے ہدایت کی کہ ٹڈی دل کے خاتمے کے لیے ہنگامی بنیادوں پر اقدامات کرنا ہوں گے۔
آئی جی پنجاب نے کہا کہ پولیس فورس کی کورونا وائرس اسمارٹ ٹیسٹنگ جاری ہے۔
وزیر قانون نے پولیس کے لیے اضافی تنخواہ کی فراہمی کا مسئلہ حل کرانے کی یقین دہانی کرائی۔
واضح رہے کہ حکومت کی جانب سے گذشتہ ماہ پیٹرولیم مصنوعات میں فی لیٹر 30 روپے سے زیادہ کی کمی کی گئی ہے۔
from سچ ٹی وی اردو - تازہ ترین خبریں https://ift.tt/2T7aO1V
0 comments: