ریلوے اور اس کے اسٹیشنز میری ذمہ داری ہے، سندھ کچھ نہیں کر سکتی: شیخ رشید اور سندھ حکومت آمنے سامنے

شیخ رشید اور سندھ حکومت آمنے سامنے آگئے، سندھ حکومت کے اس بیان پر کہ ٹرین چلنے نہیں دیں گے وفاقی وزیر ریلوے بھی میدان میں آ گئے۔

شیخ رشید نے سندھ حکومت کے اس بیان پر کہ ٹرین چلنے نہیں دیں گے، جواب دیتے ہوئے کہا ہے کہ ریلوے اور اس کے اسٹیشنز میری ذمہ داری ہے، سندھ کچھ نہیں کر سکتی۔

انھوں نے  کہا کہ سندھ حکومت بہت انتہا پر چلی گئی ہے، لیکن وزیر اعظم عمران خان کی سوچ کامیاب اور سندھ حکومت کو شکست ہوگی۔

وزیر ریلوے کا کہنا تھا کہ ٹرین مرکز کی سواری ہے، اسٹیشن کے باہر سندھ حکومت کو جو کرنا ہے کرے، ریلوے اسٹیشن کے اندر معاملات کی ریلوے پولیس ذمہ دار ہے، جو ایس او پی پر عمل نہیں کرتا اسے سندھ حکومت اسٹیشن سے باہر پکڑے۔

انھوں نے کہا کہ ٹرینیں چلانا وفاق کا فیصلہ ہے اس میں صوبوں کا عمل دخل نہیں، انشاء اللہ کل سے 30 ٹرینیں چلائیں گے، وزیر اعظم عمران خان نے ٹرینیں چلانے کا عندیہ دے دیا ہے، اللہ تعالیٰ نے ہاتھ پکڑا تو یکم جون سے تمام ٹرینیں چلا دیں گے، ٹرینوں میں ایس او پیز پر عمل درآمد کرواؤں گا۔

نیب ترمیم کے حوالے سے ایک سوال کے جواب میں  شیخ رشید نے کہا کہ وزیر اعظم کو کہہ دیا نیب ترمیم کے معاملے پر میں ووٹ نہیں دوں گا۔

ان کا مزید کہنا تھا کہ عید کے بعد ٹارزن کی ایک ٹانگ اسلام آباد دوسری کراچی میں ہوگی، یہ بیانیہ ختم ہو جائے گا کہ نیب نے صرف اپوزیشن پر ہاتھ ڈالا ہوا ہے۔

from سچ ٹی وی اردو - تازہ ترین خبریں https://ift.tt/2X8GaX0

• Tweet
• Share
• Share
• Share
• Share