تفصیلات کے مطابق خیبر پختونخوا کے وزیر اطلاعات اجمل وزیر نے کورونا وائرس سے متعلق گفتگو کرتے ہوئے کہا کہ چیف سیکریٹری کے پی کا کورونا ٹیسٹ مثبت آیا ہے لیکن پھر بھی ہم وزیر اعظم کے وژن کے مطابق خود فرنٹ لائن پر ہیں۔
انہوں نے کہا کہ ذخیرہ اندوزی، مہنگائی کرنے والوں کے خلاف زیرو ٹالیرنس ہے، ذخیرہ اندوزی ناقابل برداشت ہے، آرڈیننس کے تحت کارروائی ہوگی۔
اجمل وزیر کا کہنا تھا کہ لاک ڈاؤن سے متعلق فیصلے میٹنگ میں ہونگے، ہم صورتحال دیکھتے ہوئے سختیاں کررہے ہیں، عوام یاد رکھیں کورونا وائرس کا واحد علاج احتیاط اور سماجی دوری ہے۔
وزیر اطلاعات نے کہا کہ ایمرجنسی کیش جیسا کوئی پروگرام اب تک ملک میں نہیں آیا تھا، ایک لاکھ فیملیز تک زکوة پیکج بڑھایا ہے۔
ان کا کہنا تھا کہ عوام کو کورونا سے بچانا اور معیشت بھی دیکھنی ہے، عید کے دنوں میں جو اوقات کار کی سہولت دی تھی وہ ختم ہوگئی، عید سے پہلے لاک ڈاؤن سے متعلق جو اوقات کار تھے اب وہی ہونگے۔
from سچ ٹی وی اردو - تازہ ترین خبریں https://ift.tt/2ZL516e
0 comments: