
تفصیلات کے مطابق محکمہ خوراک سندھ میں کرپشن کیس میں پیپلزپارٹی کے رہنما نثارکھوڑو نیب سکھر میں پیش ہوگئے ، جہاں وہ اپنا بیان ریکارڈکرائیں گے۔
نیب ذرائع کا کہنا ہے کہ بحیثیت وزیرخوراک سندھ نثارکھوڑو نے اربوں روپےکی گندم فلور ملز کو ادھاردی، اسی معاملے کی تحقیقات کیلئے پیپلزپارٹی رہنما کو طلب کیا گیا ہے۔
یاد رہے نیب نے سندھ میں ہونے والے سب سے بڑے گندم اسکینڈل میں بڑی کامیابی حاصل کرتے ہوئے 10 ارب روپے سے زائد کی وصولی کرلی تھی، گندم اسکینڈل میں ملز مالکان اور سندھ کا محکمہ خوراک ملوث ہے۔
قومی احتساب بیورو سکھر نے گندم اسکینڈل پر 4 کرپشن ریفرنسز احتساب عدالتوں میں دائر کردیے ہیں۔
خیال رہے نیب نے صوبائی وزیر آئی ٹی سندھ تیمور تالپور کے خلاف تحقیقات تیز کر دیں، نیب نے ڈی سی عمر کوٹ سے نواب محمد تیمور تالپور سے متعلق تفصیلات طلب کر لیں جبکہ اس سلسلے میں نیب کراچی نے ڈپٹی کمشنر کو 6 مئی کو ثبوت اور ریکارڈ کے ساتھ طلب کیا تھا۔
from سچ ٹی وی اردو - تازہ ترین خبریں https://ift.tt/3cfgHSc
0 comments: