وفاقی وزیر ریلوے شیخ رشید احمد کا کہنا ہے کہ آن لائن ٹکٹوں کی بکنگ سسٹم میں خرابی آئی ہے اتنا لوڈ نہیں اٹھا رہی۔ انہوں نے کہا کہ فیصلہ کیا ہے کہ راولپنڈی،کراچی،ملتان،لاہور،پشاور،سکھر اور کوئٹہ میں ریزرویشن کھول دی جائے۔
شیخ رشید احمد کا کہنا تھا کہ بکنگ ریزرویشن مکمل طور پر ایس او پیز پر کام کرے گی،اسٹیشن کے باہر ریزرویشن کی کھڑکی چند گھنٹوں میں کھول دی جائے گی، کل صبح 8 سے شام 5 بجے تک 60 فیصد پرٹرین کی ٹکٹ بک کرائی جاسکےگی۔ انہوں نے عوام کو مخاطب کرتے ہوئے کہا کہ ذمہ داری آپ کی بھی ہےکہ کورونا میں آپ نے احتیاط برتنی ہے۔
یاد رہے کہ تین روز قبل وفاقی وزیر ریلوے شیخ رشید احمد کا کہنا تھا کہ وزیراعظم عمران خان نے 20 سے 30 مئی تک معیاری ضابطہ کار کے ساتھ ٹرینیں چلانے کی منظوری دی ہے۔
شیخ رشید احمد کا کہنا تھا کہ کسی صوبے سے کوئی اختلاف نہیں ہے، ریلوے چاروں صوبوں کی زنجیر ہے،ٹرین میں سواری آدھی کر دی ہے ریٹ میں کوئی اضافہ نہیں ہوا جبکہ ریلوے کا عملہ بڑھا دیا ہے۔
from سچ ٹی وی اردو - تازہ ترین خبریں https://ift.tt/2XbwTgQ
0 comments: