پاکستان میں کورونا وائرس کے کیسز اوراموات مسلسل بڑھ رہی ہیں، ڈاکٹر ظفر مرزا کا بیان جاری

معاون خصوصی برائے صحت ڈاکٹر ظفر مرزا کا کہنا ہے کہ پاکستان میں کورونا وائرس کے کیسز اوراموات بھی بڑھ رہی ہیں، کورونا ختم نہیں ہوا بلکہ بڑھ رہا ہے۔

معاون خصوصی برائے صحت ڈاکٹر ظفر مرزا نے کہا کہ ملک میں کورونا وائرس کے کیسز اور اموات میں اضافہ ہورہا ہے، وبا ختم ہوگی یہ کہنا قبل از وقت ہے۔

انہوں نے کہا کہ ہم نے عید کورونا وائرس کے فرنٹ لائن سولجز کے نام کی ہے، ڈاکٹرز، طبی عملہ اپنی عید قربان کرکے فرائض انجام دے رہا ہے۔

ظفر مرزا نے کہا کہ شہری سمجھ رہے ہیں عید کے بعد یہ بیماری ختم ہوجائیگی تو یہ تاثر غلط ہے، عوام نے احتیاطی تدابیر کو برقرار نہ رکھا تو صورتحال گھمبیر ہوجائے گی۔

معاون خصوصی برائے صحت نے کہا کہ پوری دنیا میں کرونا کے 55 لاکھ تصدیق شدہ کیسز ہیں، دنیا میں کرونا سے ساڑھے 3لاکھ کے قریب اموات ہوچکی ہیں، دنیا میں اب تک 45 فیصد لوگ صحت یاب بھی ہوچکے ہیں۔

انہوں نے کہا کہ پاکستان میں کل تک 4لاکھ 83 ہزارسےزائد کیسز ہوچکے ہیں، پاکستان میں کورونا کے 56 ہزار 349 کیسز کنفرم ہیں۔

ظفر مرزا نے کہا کہ پاکستان میں کورونا کے 37 ہزار 700 ایکٹو کیسز ہیں جبکہ 4365 مریضوں میں سے 112 اسپتالوں میں وینٹی لیٹرز پر ہیں۔

ان کا کہنا تھا کہ ملک میں میں 95 فیصد مریض معمولی یا اس سےتھوڑے زیادہ کرونا سےمتاثر ہیں، 24 گھنٹے میں 34 افراد کورونا سے جاں بحق ہوئے۔

ظفر مرزا کا کہنا تھا کہ پاکستان میں مجموعی طور پر1157 افراد کرونا سے جاں بحق ہوئے، یہ سوچ غلط ہے کہ پاکستان میں کورونا وائرس یا اس کا پھیلاؤ ختم ہوچکا ہے، ہم نے ذمہ داری پوری نہ کی تو آئندہ دنوں میں مزید کیسز سامنے آئیں گے۔

from سچ ٹی وی اردو - تازہ ترین خبریں https://ift.tt/3ekr7R8

• Tweet
• Share
• Share
• Share
• Share