سماجی رابطوں کی ویب سائٹ پر اپنے ایک پیغام میں سینئر صوبائی وزیر کا کہنا تھا کہ پنجاب میں اب تک 3.64ملین میٹرک ٹن گندم کی خریداری مکمل کرلی ہے۔ گزشتہ تین سالوں میں ابتک سب سے زیادہ گندم خریدی۔
وزیر خوراک پنجاب کا کہنا تھا کہ گندم خریدکا 45 لاکھ میٹرک ٹن کا سب سے بڑا ہدف مقرر کیاگیا،پنجاب کی تاریخ میں اتنی بڑی مقدار میں گندم پہلے نہیں خریدی گئی۔
محکمہ خوراک پنجاب اب تک 36 لاکھ میٹرک ٹن گندم خرید چکا ہے جو پچھلے تین سال میں سب سے زیادہ ہے۔ ضلعی انتظامیہ اور محکمہ خوراک کے افسران اس پر داد کے مستحق ہیں۔ ہم انشاءاللہ پنجاب کی تاریخ میں گندم خریداری کا سب سے زیادہ ہدف حاصل کریں گے۔
— Abdul Aleem Khan (@aleemkhan_pti) May 17, 2020
انہوں نے بتایا کہ 36 لاکھ میٹرک ٹن گندم کی خرید بڑے ٹارگٹ کا حصول ہے، گندم کی خرید میں کامیابی کے فلور ملز پر بھی مثبت اثرات مرتب ہوں گے، جیسے ہی ہدف مکمل ہوگا، فلور ملز کا کوٹہ بڑھا دیں گے۔
عبد العلیم خان کا مزید کہنا تھا کہ پنجاب کےعوام کے لیے گندم کی قلت نہیں ہونے دیں گے، ذخیرہ اندوزوں کے خلاف کارروائی سے گندم خریداری کا ہدف آسان ہوا۔
یاد رہے کہ گزشتہ ماہ 28 اپریل کو وزیر خوراک پنجاب عبدالعلیم خان کا کہنا تھا کہ گھوسٹ فلور ملز بندکریں گے،انہیں گندم کا سرکاری کوٹہ نہیں ملےگا۔
from سچ ٹی وی اردو - تازہ ترین خبریں https://ift.tt/3bztrBH
0 comments: