نیشنل کمانڈ اینڈ آپریشن سینٹر کے جاری کردہ اعداد و شمار کے مطابق گزشتہ 24 گھنٹوں کے دوران ملک بھر میں 10 ہزار 49 کورونا ٹیسٹس ہوئے اور 1748 افراد میں کورونا کی تصدیق ہوئی جس کے بعد مصدقہ مریضوں کی تعداد 56 ہزار 349 ہوگئی۔
اب تک سندھ میں 22 ہزار 491، پنجاب میں 20 ہزار 77، خیبر پختونخوا میں 7 ہزار 905، بلوچستان میں 3 ہزار 407، اسلام آباد میں ایک ہزار 641، آزاد کشمیر میں 221 اور گلگت بلتستان میں 619 افراد میں کورونا کی تصدیق ہوئی ہے۔
گزشتہ 24 گھنٹوں کے دوران کورونا کے 34 مریض جاں بحق ہوئے جس کے بعد اس وبا سے جان کی بازی ہارنے والوں کی تعداد ایک ہزار 167 ہوگئی جب کہ 17 ہزار 482 مریض صحت یاب ہوچکے ہیں۔
کورونا وائرس اور احتیاطی تدابیر:
کورونا وائرس کے خلاف یہ احتیاطی تدابیر اختیار کرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکر بیٹھنے کے بجائے پنکھے کی ہوا میں بیٹھیں۔
سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پر کوئی اثر نہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔
پانی گرم کرکے تھرماس میں رکھ لیں اور ہر ایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اور وہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔
ایس او پیز پر عمل نہیں ہوا تو لاک ڈاؤن میں سختی کرنا پڑے گی، اجمل وزیر
مشیر اطلاعات خیبرپختونخوا اجمل وزیر نے کہا ہے کہ عوام نے ایس او پیز پر عمل نہیں کیا توکورونا کیسز کی تعداد بڑھ جائے گی اور لاک ڈاؤن میں سختی کرنا پڑے گی۔
خیبر پختوںخوا حکومت نے مشیر اطلاعات اجمل وزیر نے کورونا وائرس اور عید سے متعلق گفتگو کرتے ہوئے کہا کہ زندگی رہی تو کورونا کے خاتمے کے ساتھ اگلی عیدیں جوش و خروش سے منائیں گے۔
ان کا کہنا تھا کہ وزیر اعلیٰ محمع خان کی قیاد میں کورونا وائرس کے خلاف جنگ جاری ہے، کے پی کے حکومت نے جو فیصلے کیے وہ عوام کے تحفظ کےلیے کیے اور لاک ڈاؤن میں نرمی غربت، افلاس اور معیشت کو مدنظر رکھ کر کی گئی۔
مزید جانیے: عید کے دن بھی کورونا وائرس کے وار جاری، کئی گھرانوں میں صف ماتم بچھ گیا
اجمل وزیر کا کہنا تھا کہ ڈرائنگ روم میں بیٹھ کرلیپ ٹاپ چلانےوالے کہیں نظرنہیں آرہے، جو لوگ آستینیں چڑھا کر سڑکوں پر گھومتے تھے وہ کہیں نظر نہیں آرہے لیکن ہم وزیر اعلیٰ کے پی محمود خان کی قیادت میں فرنٹ لائن پر ہیں۔
مشیر اطلاعات خیبرپختونخوا نے کہا کہ چیف سیکریٹری کے پی ڈاکٹر کاظم نیاز کا کرونا ٹیسٹ مثبت آیا ہے جس کے بعد کاظم نیاز نے خود کو آئیسولیٹ کرلیا ہے، دعا ہے کہ کاظم نیاز ان کے بیٹے سمیت تمام لوگ صحتیاب ہوں۔
from سچ ٹی وی اردو - تازہ ترین خبریں https://ift.tt/2ztXcXB
0 comments: