برطانوی خبر رساں ادارے کی رپورٹ کے مطابق برطانیہ میں گزشتہ چوبیس گھنٹوں کے دوران مزید چار ہزار چار سو پچاس افراد میں جان لیوا وبا کی تشخیص ہوئی ہے جس کے بعد مریضوں کی مجموعی تعداد 38 ہزار 168 تک پہنچ گئی۔
انہی ہزاروں مریضوں میں برطانوی وزیر اعظم بورس جانسن بھی شامل ہیں، برطانوی میڈیا نے دعویٰ کیا ہے کہ بورس جانسن کورونا وائرس باعث آئسولیشن میں ہیں۔
برطانوی وزیراعظم بورس جانسن نے قوم کے نام پیغام میں کہا تھا کہ خدارا گھر سے باہرمت نکلیں، ویک اینڈ پر موسم اچھا ہوگا، مگر کروناوائرس کے باعث باہر نکلنے کی کوشش ہرگز نہ کریں۔
ان کا کہنا تھا کورونا کی ایک علامت بخار اب بھی مجھ میں موجود ہے، ڈاکٹرز کی ہدایت کے مطابق بخار ختم ہونے تک آئسولیشن میں رہوں گے، شہری احتیاطی تدابیر پر سختی سے عمل کریں۔
دو روز قبل ٹویٹر پر اپنے ویڈیو پیغام میں برطانوی وزیر اعظم نے ملک میں کورونا وائرس سے بڑھتی ہوئی ہلاکتوں پر افسردگی کا اظہار کرتے ہوئے کہا تھا کہ وہ کورونا وائرس کے بڑی تعداد میں نئے کیسز سے افسردہ ہیں، دکھ کی اس گھڑی میں ہم متاثرہ افراد اور ان کے اہل خانہ کے ساتھ ہیں۔
from سچ ٹی وی اردو - تازہ ترین خبریں https://ift.tt/2UYyYvz
0 comments: