غیر ملکی میڈیا رپورٹس کے مطابق منگل کے روز امریکا بھر میں کورونا سے 1736 ہلاکتیں ہوئیں جن میں سے صرف نیویارک میں ہی 736 ہلاکتیں رپورٹ ہوئیں جو اب تک امریکا میں کورونا سے ایک روز میں ہونے والی ریکارڈ اموات ہیں۔
اس سے قبل امریکا میں 4 اپریل کو ایک ہی دن میں 1344 اموات ہوئی تھیں جس کے بعد ہلاکتوں کی نئی تعداد تیزی سے بڑھی ہے۔
امریکا میں اب تک کورونا وائرس سے 12 ہزار 722 اموات ہوچکی ہیں جب کہ تقریباً 4 لاکھ افراد کورونا وائرس سے متاثر ہیں جو دنیا میں اس وقت کورونا کے کیسز کی سب سے زیادہ تعداد ہے۔
امریکا میں ریاست نیویارک اس وقت کورونا سے سب سے زیادہ متاثر ہے جہاں اموات کی تعداد 5800 سے بھی زیادہ ہے۔
نیویارک کے گورنر اینڈریو کومو کا کہنا ہےکہ ریاست میں وبائی مرض اپنے عروج پر پہنچ چکا ہے، انہوں نے شہریوں سے گھروں میں رہنے، اجتماعات میں شرکت سے گریز اور سماجی فاصلے رکھنے کی اپیل کی۔
ان کا کہنا تھا کہ یہ ایک مشکل کام ہے لیکن ہمیں اس وقت یہی کرتے رہنا ہے۔
کورونا سے امریکی مقامی گلوکار جون پرائن بھی ہلاک ہوگئے جس کی تصدیق ان کے اہلخانہ کی جانب سے کی گئی جب کہ گلوکار کی اہلیہ بھی کورونا وائرس میں مبتلا ہیں۔
دوسری جانب ٹرمپ نے بھی امریکا میں کورونا وائرس کے کیسز سب سے زیادہ ہونے کے خدشات ظاہر کیے ہیں۔
from سچ ٹی وی اردو - تازہ ترین خبریں https://ift.tt/3aVZg8y
0 comments: