وزیراعظم عمران خان نے سماجی رابطے کی ویب سائٹ ٹوئٹر پر ٹویٹ کرتے ہوئے کہا کہ اس وقت اس نظریے کا بنیادی نشانہ مقبوضہ کشمیر اور بھارت میں مسلمان ہیں جبکہ عدم برداشت اور مسلمانوں کے خلاف نفرت کو فروغ دیا جا رہا ہے جو دیگر اقلیتوں تک بھی پھیلے گی۔
اگرنسلی بالادستی کےاس ایجنڈےکی پیش قدمی نہ روکی گئی تو دلتوں سمیت بھارت میں مقیم تمام گروہ اسکی زد میں آئیں گے۔ نتیجتاًجوبھی اختلاف کی جسارت کرے گا ان فسطائیوں کےہاتھوں تشدد کانشانہ بنےگا۔ صورتحال کےسدِباب کیلئےعملی اقدامات نہ اٹھائےگئےتواسکےنتائج خطےسےباہر بھی محسوس کئےجائیں گے۔
— Imran Khan (@ImranKhanPTI) March 7, 2020
انہوں نے کہا کہ اگر ہندو بالادستی کے اس نظریے کو روکا نہ گیا تو دلتوں سمیت تمام اقلیتیں اس کا نشانہ بنیں گی اور جو کوئی بھی اس فسطائی نظریے سے اختلاف کرے گا اسے تشدد کا نشانہ بنایا جائے گا۔ انہوں نے مزید کہا کہ جب تک بھرپور اقدامات نہیں کئے جاتے اس کے اثرات خطے کے باہر بھی محسوس ہوںگے۔
مزید پڑھیں: بھارتی مظالم کے خلاف آواز اٹھانے پر سپریم لیڈر آیت اللہ خامنہ ای اور ترک صدر کا شکر گزار ہوں، وزیراعظم
یاد رہے کہ وزیراعظم عمران خان نے ٹوئٹر پر اپنے پیغام میں بھارتی مظالم کے خلاف آواز اٹھانے پر ترک صدر رجب طیب اردوان اور ایرانی سپریم لیڈر آیت اللہ خامنہ ای کا شکریہ ادا کیا۔
وزیراعظم پاکستان نے کہا کہ مودی کی نسل پرست ہندوسرکار مسلمانوں کا قتل عام کر رہی ہے، افسوس مسلم دنیا سے چند آوازیں مظالم کی مذمت کر رہی ہیں۔
from سچ ٹی وی اردو - تازہ ترین خبریں https://ift.tt/2IvFFiU
0 comments: