وزیر اعظم کی زیر صدارت آج ہونے والا کابینہ اجلاس بیک وقت مختلف مقامات پر منعقد ہو گا۔ ویڈیو لنک کے ذریعے اجلاس کا فیصلہ وزیر اعظم کی ہدایت پر کورونا وائرس کے باعث احتیاطی تدابیر کے طور پر کیا گیا۔
تین سے چار وزرا ایک ویڈیو لنک کے ذریعے اجلاس میں شرکت کریں گے جبکہ وزیر اعظم خود وزیر اعظم آفس سے اجلاس کی صدارت کریں گے۔
ذرائع کے مطابق ایجنڈے کے تحت کابینہ اجلاس میں بجٹ اسٹریٹیجی پیپر پر بات ہو گی۔ وزارت توانائی کی جانب سے کابینہ کو بریفنگ بھی ایجنڈے میں شامل ہے۔
ذرائع کے مطابق اجلاس میں کورونا وائرس سے پیدا ہونے والی صورت حال پر بھی غور ہو گا۔ کابینہ کو کوروانا کیسز کے اعداد و شمار اور حفاظتی اقدامات پر بریفنگ دی جائے گی۔
ذرائع کے مطابق کابینہ کو اشیائے خورد و نوش کی قیمتوں اور ذخیرہ اندوزی پر بریفنگ دی جائے گی۔ مارکیٹوں سے ماسک اور سینیٹائزر کی مصنوعی قلت پر بھی بات ہو گی۔
ذرائع کے مطابق وفاقی کابینہ ملک کی سیاسی صورت حال کا بھی جائزہ لے گی۔
from سچ ٹی وی اردو - تازہ ترین خبریں https://ift.tt/3d42M23
0 comments: