Saturday, March 7, 2020

بدھ سے جاری بارش نے شہریوں کی مشکلات بڑھا دیں، چھتیں گرنے اور دیگر حادثات میں 25افراد جاں بحق

بارشوں کے باعث چھتیں گرنے اور دیگر حادثات میں 25افراد جاں بحق ہوگئے ہیں
بدھ سے جاری بارش نے شہریوں کی مشکلات بڑھا دیں، کہیں پانی کھڑا ہے تو کہیں گٹر ابل رہے ہیں اور کہیں پانی گھروں میں داخل ہو گیا ہے، چھتیں گرنے اور دیگر حادثات میں متعدد افراد جان کی بازی ہار گئے۔

ایک طرف جہاں پانچ روز سے جاری بارش نے جاتی سردی کو بریک لگا دی ہے وہیں بارش سے پرانے مسائل بھی واپس لوٹ آئے ہیں، کہیں سڑکوں پر پانی جمع ہے تو کہیں ناکارہ اور خراب سویریج سسٹم نے زندگی اجیرن بنا دی ہے۔

کچی گلیوں میں کیچڑ اور مٹی نے چلنا پھرنا دشوار بنا دیا ہے تو کہیں نکاسی آب کا نظام نہ ہونے سے پانی گھروں میں داخل ہو گیا ہے۔ پنجاب کے میدانی علاقوں میں متعدد قصبے اور دیہاتوں کے قریب بند ٹوٹنے سے سینکڑوں ایکڑ پر کھڑی گندم اور چنے کی فصلیں تباہ ہو گئی ہیں، منہ زور پانی کھیت کھلیانوں اور آبادیوں میں جا پہنچا ہے۔

بالائی علاقوں کے مکینوں کو بھی کئی روز کی مسلسل بارش سے مختلف دشواریوں کا سامنا ہے، لینڈ سلائیڈنگ کے سبب رابطہ سڑکیں بند ہوجانے سے گھروں میں محصور ہو کر رہ گئے ہیں اور برف باری سے پھسلن میں بھی اضافہ ہوا ہے۔

بارش کے باعث چھتیں اور دیواریں گرنے سے دیگر حادثات میں پچیس سے زائد افراد موت کی آغوش میں چلے گئے، درجنوں گھروں کو بھی نقصان پہنچا ہے۔



from سچ ٹی وی اردو - تازہ ترین خبریں https://ift.tt/38u6yON

Related Posts:

0 comments:

Popular Posts Khyber Times