پاکستان اسٹاک مارکیٹ میں کاروبار کے آغاز پر ہی شدید مندی کا رجحان ہے اور انڈیکس 954 پوائنٹس گر گئے۔
کاروباری ہفتے کے چوتھے روز جمعرات کو اسٹاک مارکیٹ کا آغاز منفی زون میں ہوا۔ کے ایس ای 100 انڈیکس میں کاروبار کا آغاز 38 ہزار 338 پوائنٹس پر ہوا اور ابتدائی ایک گھنٹے کے دوران شدید مندی کی صورتحال رہی۔
اسٹاک مارکیٹ میں کاروبار کے ابتدائی ایک گھنٹے کے دوران کے ایس ای 100 انڈیکس میں 954 پوائنٹس کی کمی ریکارڈ کی گئی اور انڈیکس 37 ہزار 383 پوائنٹس پر ٹریڈ کرتے دیکھا گیا۔
کاروبار کے دوران کے ایس ای 100 انڈیکس میں 31,579,560 شیئرز کی لین دین ہوئی جس کی مالیت پاکستانی روپوں میں 1,082,932,745 بنتی ہے۔
رواں ہفتے اسٹاک مارکیٹ مسلسل منفی زون میں ٹریڈ کر رہا ہے اور گزشتہ روز بھی اسٹاک ایکسچینج کا اختتام منفی زون میں ہوا تھا۔
from سچ ٹی وی اردو - تازہ ترین خبریں https://ift.tt/3ce8vSz
0 comments: