ایران میں اسلامی انقلاب کی شاندار کامیابی کی آج بروز منگل 41 ویں سالگرہ اور جشن آزادی کا دن ہے۔ اس موقع پر کل رات تیاریاں عروج پر تھیں اور بڑی بڑی عمارتوں اور شاہراہوں کو خوبصورتی کے ساتھ سجایا گیا تھا۔ اسلامی انقلاب کی کامیابی اور آزادی کی شب میں آتش بازی کا شاندار مظاہرہ بھی کیا گیا۔
اسلامی جمہوریہ ایران میں کل رات 9 بجےایرانی عوام نے گھروں، سڑکوں اور گلی کوچوں میں "اللہ اکبر" کے فلک شگاف نعرے لگائے اور انقلاب اسلامی کے راستے کو جاری و ساری رکھنے کے عزم کا اظہار کیا۔ جبکہ آج ایرانی عوام جشن آزادی کی ریلیوں میں بھر پور شرکت کرکے ایک بار پھر بانی انقلاب اسلامی حضرت امام خمینی (رح) کی امنگوں اور رہبر انقلاب اسلامی حضرت آیت اللہ العظمی سید علی خامنہ ای سے تجدید عہد اور امریکہ، اسرائیل اور عالمی سامراج سے نفرت و بیزاری کا اظہارکریں گے۔
ہر سال انقلاب اسلامی کی سالگرہ کے موقع پر ایرانی عوام 10 اور 11 فروری کی درمیانی رات کو شب اللہ اکبر کے نام سے مناتے ہیں، تہران کے وقت کے مطابق رات نو بجے ایرانی عوام اپنے گھروں کی چھتوں ، سڑکوں اور گلی کوچوں میں اللہ اکبر کے نعرے لگاتے ہیں۔
ایرانی عوام اللہ اکبر کے نعروں کے ذریعے اپنے اتحاد اور اسلامی نظام کے ساتھ اپنی وفاداری کا اظہار کرتے اور ایران کے دشمنوں اور سامراج کے منہ پر زوردار طمانچہ لگاتے ہیں۔ گیارہ فروری کے دن نکالے جانے والے جلوسوں میں ایرانی عوام کی شرکت ان کامیابیوں کے لئے ہوگی جو ایرانی قوم نے سفارتی ، اقتصادی، سائنسی اور سیاسی شعبوں میں علاقائی اور عالمی سطح پرحاصل کی ہیں۔
from سچ ٹی وی اردو - تازہ ترین خبریں https://ift.tt/2usxqAO
0 comments: