وزیر اعظم ڈیووس سے وطن واپس، دورے کی اہم تفصیلات آتے ہی اپوزیشن ششدر رہ گئی

وزیر اعظم عمران خان ڈیووس سے وطن واپس پہنچ گئے، وہ ڈیووس میں ورلڈ اکنامک فورم کے اجلاس میں شرکت کے لیے گئے تھے۔

ڈیووس میں منعقدہ ورلڈ اکنامک فورم کے موقع پر وزیر اعظم عمران خان عالمی رہنماؤں کی خصوصی توجہ کے مرکز بنے رہے، ان کے ساتھ کئی ممالک کے رہنماؤں، کاروباری افراد اور کمپنیوں کے سربراہان نے ملاقاتیں کیں۔

ذرائع کا کہنا ہے کہ وزیر اعظم عمران خان کا یہ دورہ نہایت کام یاب رہا، انھوں نے دنیا کی بڑی کمپنیوں کو پاکستان میں سرمایہ کاری کے لیے راغب کیا، اور دنیا کو باور کرایا کہ پاکستان سرمایہ کاری کے لیے ایک پرکشش ملک ہے۔

عمران خان کے ساتھ امریکی صدر ڈونلڈ ٹرمپ نے بھی خصوصی ملاقات کی، گزشتہ روز جرمن چانسلر اینگلا مرکل سے بھی غیر رسمی ملاقات ہوئی، جس میں اینگلا مرکل نے وزیر اعظم کو دورہ جرمنی کی دعوت دی۔

مزید پڑھیں:آئندہ کسی جنگ کا حصہ نہیں بنیں گے، صرف امن کیلئے کردار ادا کریں گے: وزیراعظم

خیال رہے کہ وزیر اعظم عمران خان 21 جنوری کو ڈیووس پہنچے تھے، آج صبح وہ واپس پاکستان پہنچ گئے ہیں، اس دوران فورم کی سائیڈ لائن پر ان سے متعدد اہم شخصیات نے ملاقاتیں کیں، گزشتہ روز کوکا کولا کمپنی کے سی ای او جیمز کوئین سے ان کی اہم ملاقات ہوئی۔

 

from سچ ٹی وی اردو - تازہ ترین خبریں https://ift.tt/2RkdFnr

• Tweet
• Share
• Share
• Share
• Share