وزیر اعظم پاکستان عمران خان نے ترکی مشرقی علاقے میں آنے والے شدید زلزلے اور اس کے نتیجے میں ہونے والے جانی و مالی نقصان پر گہرے دکھ اور افسوس کا اظہار کیا ہے۔
وزیراعظم عمران خان نے اپنے پیغام میں کہا ہے کہ پاکستان اور برادار اسلامی ملک ترکی کے درمیان انتہائی اہم اور گہرے روابط ہیں دونوں ممالک کے عوام ایک دوسرے کے غم میں برابر کے شریک ہیں، پاکستان اس غم کی گھڑی میں اپنے ترک بھائیوں کےساتھ کھڑا ہے۔
ترکی میں زلزلے کے نتیجے میں بے شمار قیمتی جانوں کے ضیاع اور سینکڑوں شہریوں کے زخمی ہونے کی اطلاعات باعثِ رنج ہیں۔ہماری دعائیں اور ہمدردیاں اپنے ترک بھائیوں اور ترک حکومت کیساتھ ہیں۔ مشکل کی اس گھڑی میں پاکستان انکے ساتھ کھڑا ہے اور جو مدد بھی درکار ہو بہم پہنچانے کیلئے تیار ہے۔
— Imran Khan (@ImranKhanPTI) January 25, 2020
ادھر وزیراعلیٰ پنجاب سردار عثمان بزدار نے بھی ترک قوم کے نام اپنے پیغام میں گہرے دکھ اور افسوس کا اظہار کیا ہے، انکا کہنا تھا کہ پاکستانی قوم متاثر خاندانوں کے غم میں برابر کی شریک ہیں۔
مزید پڑھیں: ترکی میں خوفناک زلزلے نے اب تک 18 افراد کی جان لے لی، طیب اردوان کا بڑا اعلان
پاکستان کا ترکی کے ساتھ دل کا رشتہ ہے، دونوں ممالک ہر مشکل گھڑی میں ایک دوسرے کے ساتھ کھڑے ہوتے ہیں۔ اسی طرح وزیر خارجہ مخدوم شاہ محمود قریشی نے بھی ترکی کے مشرقی علاقے میں آنے والے شدید زلزلے اور اس کے نتیجے میں ہونے والے جانی و مالی نقصان پر اظہار کیا ہے۔
وزیر خارجہ کا کہنا تھاکہ ترکی میں آنے والے اس زلزلے میں قیمتی جانوں کے ضیاع کا سن کر بہت دکھ ہوا ہے، ترکی کی قیادت اور عوام کے ساتھ اظہار تعزیت کرتے ہیں۔
from سچ ٹی وی اردو - تازہ ترین خبریں https://ift.tt/30WGB8q
0 comments: