امریکی ٹی وی کا ایسا دعویٰ کہ ٹرمپ کی چیخیں نکل آئیں، آل از ویل کا بھانڈا پھوٹ گیا۔۔۔ تہلکہ مچ گیا

امریکی ٹی وی نے آل از ویل کے ٹرمپ کے دعوے کی نفی کردی، عراق کے عین الاسد فوجی اڈے پر ایرانی میزائل حملے سے کم ازکم دس مقامات تباہ ہوئے ہیں، جبکہ ایک امریکی فوجی نے تو ایرانی حملے کو انتہائی خوفناک قرار دے دیا۔

عراق میں امریکا کی جانب سے حملے میں جنرل قاسم سلیمانی کی شہادت کے بعد ایران کی جانب سے کی جانے والی جوابی کارروائی میں عراق کے عین الاسد فوجی اڈے پر ایرانی میزائل داغے گئے، جس پر امریکی صدر ٹرمپ نے ایران کے میزائل حملے کی بعد ’آل از ویل‘ کا ٹوئٹ کیا تھا، ان کا کہنا تھا کہ حملے میں فوجی اڈے کو معمولی نقصان ہوا ہے۔

دوسری جانب امریکی ٹی وی کی رپورٹ میں دعویٰ کیا گیا ہے کہ فوجی اڈے پر تباہ کاری کے مناظر کچھ اور ہی کہانی بتارہے ہیں اور اڈے پر تباہی کے مناظر سے غیرمعمولی صورتحال کا اشارہ ملتا ہے، رپورٹ کے مطابق ایرانی حملے میں امریکی فوجیوں کے رہائشی کوارٹرز بھی تباہ ہوچکے ہیں۔

فوجی اڈے تک رسائی پانے والی ایک صحافی نے کہا کہ فوجیوں نے انہیں بتایا ہے کہ حملےسے کئی گھنٹے قبل جان گئے تھے کہ کچھ نہ کچھ ہونے جارہا ہے اس لیے احتیاطی تدابیر اختیار کی گئی تھیں،جبکہ کچھ فوجی بنکرز میں موجود تھے،زیادہ تر چیک پوسٹوں پر تعینات تھے۔

ایک امریکی فوجی نے بتایا کہ رات ایک بج کر 34 منٹ پر ایرانی میزائل حملے شروع ہوئے، حملے کا منظر بیان کرنا مشکل ہے کیونکہ یہ ایک انتہائی خوفناک حملہ تھا۔

from سچ ٹی وی اردو - تازہ ترین خبریں https://ift.tt/37WQLYQ

• Tweet
• Share
• Share
• Share
• Share