خصوصی عدالت نے پرویز مشرف کے خلاف سنگین غداری کیس کا تفصیلی فیصلہ جاری کر دیاہے جس میں انہیں دو ایک کی اکثریت سے سزائے موت سنائی گئی ہے جبکہ جسٹس نذر اکبر نے اپنے فیصلے میں مشرف کو بری کیاہے تاہم اب اس فیصلے پر سابق اٹارنی جنرل عرفان قادر نے بھی اپنا رد عمل جاری کر دیاہے۔
عرفان قادر کا کہناتھا کہ جس جج نے ڈی چوک میں پھانسی کی بات کی ہے اسے فوری معطل کیا جائے اسے بطور جج آگے نہیں بڑھانا چاہیے مشرف کو سزائے موت کا فیصلہ بد نیتی پر مبنی ہے۔
خصوصی عدالت کے فیصلے سے دنیا میں جگ ہنسائی ہو ئی ہے ان ججز کے خلاف سپریم جوڈیشل کونسل میں کارروائی ہونی چاہیے فیصلے کی پاکستان میں تو کیا پوری دنیا میں کوئی مثال نہیں ملتی ہے۔
عرفان قادر نے کہا کہ اس فیصلے کو چیلنج کرنے کی بھی ضرورت نہیں ہے قوم کا ضمیر زندہ ہے تو صدر مملکت کو آرڈیننس جاری کرکے اسی وقت کالعدم قرار دینا چاہیے۔
انہوں نے کہا کہ باقی ساری اس میں ٹیکنکل باتیں ہیں سب سے بڑی لیگل بات یہ ہے کہ یہ فیصلہ دنیا میں جائے گا تو لوگ کیا سوچیں گے ہم کیا وحشی بن جائیں گے؟
from سچ ٹی وی اردو - تازہ ترین خبریں https://ift.tt/2Sed1cd
0 comments: