ملک بھر میں کڑاکے کی سردی کا راج، پارہ منفی 18 تک پہنچ گیا

ملک بھر میں شدید سردی کے باعث پارہ منفی 18 تک پہنچ گیا، جبکہ میدانی علاقوں میں شدید دھند نے ڈھیرے جما لیے۔

محکمہ موسمیات کے مطابق پنجاب اور بالائی سندھ کے بیشتر میدانی علاقوں میں شدید دھند پڑنے کا امکان ہے جب کہ بالائی علاقوں میں درجہ حرارت منفی 18 تک گر سکتا ہے۔

خیبر پختونخوا کے بعض اضلاع میں بھی رات اور صبح کے وقت شدید دھند چھائے رہنے کی توقع ہے جب کہ بالائی علاقوں میں موسم شدید سرد رہے گا۔

وفاقی دارالحکومت اسلام آباد میں گزشتہ تین دن سے دھند پڑنے کا سلسلہ جاری ہے جو اتوار تک رہے گا۔ ہفتے کی صبح شہر کا درجہ حرارت 6 ڈگری سینٹی گریڈ ریکارڈ کیا گیا جو زیادہ سے زیادہ 15 تک جا سکتا ہے۔

پنجاب کے میدانی اضلاع لاہور، گوجرانوالہ، گجرات، نارووال، سرگودھا، منڈی بہاوالدین، سیالکوٹ، حافظ آباد، ٹوبہ ٹیک سنگھ، جھنگ، فیصل آباد، اوکاڑہ، ساہیوال، ملتان، بہاولپور، بہاولنگر، ڈیرہ غازی خان اور راجن پور سے شدید دھند پڑنے کی اطلاعات ہیں۔ پاکپتن، شیخوپورہ، گوجرہ اور بہاولنگر میں بھی شدید دھند پڑنے سے حدنگاہ  کم ہوگئی۔

بالائی سندھ کے اضلاع سکھر، لاڑکانہ ، روہڑی، پڈعیدن اور جیکب آباد میں رات اور صبح کے وقت دھند پڑنے کا امکان ہے۔ محکمہ موسمیات کے مطابق خیبرپختونخوا کے میدانی علاقوں ڈیرہ اسماعیل خان، لکی مروت، کرک، صوابی، نوشہرہ، پشاور، چارسدہ اور مردان میں دھند پڑ سکتی ہے۔

آزادکشمیر، بلوچستان اور گلگت بلتستان میں ہفتے کے روز موسم خشک اور شدید سرد رہنے کا امکان۔

گزشتہ 24 گھنٹوں کے دوران اسلام آباد سمیت خیبرپختونخوا، پنجاب اور بالائی سندھ کے بیشتر میدانی علاقے شدید دھند کی لپیٹ میں رہے۔

حد نگاہ صفر ہونے پر موٹروے کے کئی انٹرچینج بند کر دیے گئے ہیں

دھند کے باعث پراوزوں کا شیڈول بھی متاثر،ٹرینیں بھی تاخیر کا شکارہیں۔

from سچ ٹی وی اردو - تازہ ترین خبریں https://ift.tt/2ZwL8O3

• Tweet
• Share
• Share
• Share
• Share