عامر لیاقت حسین نے وزیر اعظم کی چائے سے متعلق ایسا جملہ کَسا کہ مولانا فضل الرحمان سوچ میں پڑگئے، خبر وائرل ہوگئی

پاکستان تحریک انصاف کے رکن قومی اسمبلی عامر لیاقت حسین کا کہنا ہے کہ مولانا فضل الرحمان اس عمران خان سے استعفیٰ لینے چلے ہیں جس نے تین گھنٹے کی پارلیمانی میٹنگ میں شرکاء کو صرف پانی پلا کر ثواب دارین حاصل کیا۔

ٹوئٹر پر اپنے پیغام میں عامر لیاقت حسین نے لکھا ’3 گھنٹے پارلیمانی میٹنگ ، وزیر اعظم نے خود اور سب کو صرف پانی پلا کر ثواب دارین حاصل کیا، چائے نہ بسکٹ، روٹی نہ سالن، جو وزیراعظم اپنے ساتھیوں اور اتحادیوں کو چائے نہیں دیتا تم اس سے استعفیٰ مانگنے چلے ہو مولانا، استعفیٰ چائے کی طرح ہے نہیں ملے گا ۔‘

3 گھنٹے پارلیمانی میٹنگ
وزیر اعظم نے خود اور سب کو صرف پانی پلا کر ثواب دارین حاصل کیا
چائے نہ بسکٹ
روٹی نہ سالن
جو وزیراعظم
اپنے ساتھیوں اور اتحادیوں کو چائے نہیں دیتا
تم اس سے استعفی مانگنے چلے ہو مولانا
استعفی چائے کی طرح ہے
نہیں ملے گا ????????

— Aamir Liaquat Husain (@AamirLiaquat) November 4, 2019

خیال رہے کہ پیر کے روز وزیر اعظم عمران خان کی زیر صدارت پاکستان تحریک انصاف اور اتحادی جماعتوں کی پارلیمانی پارٹی کا اجلاس ہوا تھا جس میں وزیر اعظم نے واضح کیا تھا کہ وہ کسی ڈیل کا حصہ نہیں ہیں اور نہ ہی کسی کو این آر او دیں گے۔ انہوں نے رہنماﺅں کو ہدایت کی تھی کہ وہ بھرپور تیاری کے ساتھ اپوزیشن کو جواب دیں ۔

پارلیمانی رہنماﺅں کے اجلاس میں متفقہ قرارداد بھی منظور کی گئی تھی جس میں کہا گیا تھا کہ حکومت کی تمام اتحادی جماعتیں، موجودہ حکومت پر اور وزیر اعظم عمران خان پر مکمل اعتماد کا اظہار کرتے ہیں اور اس بات کا اعادہ کرتے ہیں کہ موجودہ حکومت کی تاریخی اصلاحات ملک کی تعمیرو ترقی میں اہم سنگِ میل ثابت ہوں گی۔

from سچ ٹی وی اردو - تازہ ترین خبریں https://ift.tt/36zrh3T

• Tweet
• Share
• Share
• Share
• Share