حکومت نے جمعیت علماء اسلام (ف) کی ملیشیا فورس انصارالاسلام کے خلاف کارروائی کا فیصلہ کیا ہے۔ وزارت داخلہ نے انصار الاسلام کو کالعدم قرار دینے کی سمری الیکشن کمیشن اور وزارت قانون کو بھجوائی تھی جس میں کہا گیا کہ بارودی فورس نے خاردار تاروں سے لیس لاٹھیاں اٹھاکر پشاور میں مارچ کیا اور بارودی فورس بظاہر حکومتی رٹ چیلنج کرنا چاہتی ہے۔
حکومت کی جانب سے انصارالاسلام پر پابندی لگانے کے فیصلے پر جے یو آئی (ف) کے مرکزی رہنما حافظ حسین احمد نے ردعمل دیتے ہوئے کہا ہے کہ ہمیں انصارالاسلام پر پابندی کا پتہ میڈیا سے چل رہا ہے اگر پابندی لگی تو عدالت میں چیلنج کریں گے۔
حافظ حسین احمد کا کہنا ہے کہ انصار الاسلام جے یو آئی کی رضاکار تنظیم کے طور پر الیکشن کمیشن میں رجسٹرڈ ہے یہ تنظیم آج پہلی بار منظر عام پر نہیں آئی ،پہلے سے جلسے جلوسوں میں سیکیورٹی انتظامات سرانجام دے رہی ہے۔
from سچ ٹی وی اردو - تازہ ترین خبریں https://ift.tt/33MA3JI
0 comments: