پاکستان کا ایشیائی ترقیاتی بینک سے ایک ارب ڈالر کا ہنگامی قرض لینے کا فیصلہ

پاکستان نے ایشیائی ترقیاتی بینک سے ایک ارب ڈالر کا ہنگامی قرضہ حاصل کرنے کا فیصلہ کیا ہے، قرضہ نومبر تک مل جانے کا امکان ہے، قرض کی منظوری اے ڈی بی کا بورڈ دے گا۔

پاکستان، ایشیائی ترقیاتی بینک سے ایک ارب ڈالر کا ہنگامی قرضہ لے گا، سینٹرل ڈیولپمنٹ ورکنگ پارٹی نے قرضے کے حصول کی منظوری دے دی ہے، یہ قرضہ کرائسس رسپانس لون کی مد میں لیا جائے گا۔ یہ رقم ملکی زرمبادلہ ذخائرمیں بہتری کیلئے استعمال کی جائے گی، قرض کے حصول کی سمری وزارت خزانہ نے پیش کی تھی، اے ڈی بی کی جانب سے قرض کا اجراء نومبر تک متوقع ہے۔

یہ پہلی بارہےکہ پاکستان کرائسس رسپانس لون کی مد میں قرضہ لے گا، اے ڈی بی کے بورڈ کا اجلاس نومبر میں ہوگا، جس میں قرض کی منظوری دی جائے گی۔ گزشتہ روز اے ڈی بی نے پاکستانی معیشت پر رپورٹ میں کہا تھا کہ ملکی معیشت استحکام کی جانب بڑھ رہی ہے تاہم رواں مالی سال معاشی سست روی جاری رہے گی۔

اے ڈی بی کا کہنا تھا کہ شرح نمودواعشاریہ آٹھ فیصد رہے گی جبکہ محصولات اورمہنگائی میں اضافہ دیکھنے میں آئے گا۔رپورٹ میں کہا گیا تھا کہ آئی ایم ایف پروگرام میں جانے کے باعث غیرملکی سرمایہ کاروں کا اعتماد کافی حد تک بحال ہوا ہے ، آئندہ مالی سال پاکستان میں غیرملکی سرمایہ کاری میں اضافے کا امکان ہے۔

یاد رہے گذشتہ ماہ ایشیائی ترقیاتی بینک کی جانب سے پاکستان کو 50 کروڑ ڈالر کے فنڈز موصول ہوئے تھے، جس کے بعد مجموعی ملکی زرمبادلہ کے ذخائر 15 ارب 57 کروڑ ڈالر سے زائد جا پہنچے تھے۔

from سچ ٹی وی اردو - تازہ ترین خبریں https://ift.tt/2lznv83

• Tweet
• Share
• Share
• Share
• Share