جرمن لڑکی کی اوڈی خریدنے کی خواہش، گھر میں جعلی نوٹ چھاپنے کی کوشش نا کام

20 سالہ جرمن لڑکی نے او ڈی کار خریدنے کیلئے گھر میں ہی جعلی نوٹ چھاپ کر اوڈی خریدنے کی کوشش کی جس میں وہ کامیاب نہ ہوسکی۔

جرمنی کے شہر کیسرسلاٹرن میں ایک خاتون اوڈی خریدنے کی خواہش لیے کار ڈیلر کے پاس پہنچیں، خاتون نے اپنی من پسند گاڑی کو اچھی طرح دیکھا جس کے بعد پیسے دینے کی باری آئی، تو اس کے پاس اتنے پیسے نہ ہونے کی وجہ سے کار خریدنے کیلئے گھر میں ہی جعلی نوٹ چھاپ کر خریدنے کی کوشش کی جس میں وہ کامیاب نہ ہو سکی۔

جرمن میڈیا کے مطابق جب خاتون نے گاڑی کے لیے پیسے دیے تو ڈیلر اسٹاف کو شک ہوا کہ یہ نقلی ہیں جس کے بعد پولیس کو اطلاع کرکے خاتون کو پکڑوا دیا گیا۔

کار ڈیلیر کے ملازم کا کہنا تھا کہ اس سے قبل بے شمار اس طرح کے واقعات ہوئے ہیں مگر یہ پہلا واقعہ ہے جہاں ایک خاتون جعلی نوٹ سے گاڑی خریدتے ہوئے اس قدر پُر اعتماد دکھائی دے رہی تھیں۔

مقامی پولیس نے 20 سالہ جرمن لڑکی کے گھر کی تلاشی لی جہاں پولیس کو ایک عام پرنٹر ملا اور کچھ جعلی نوٹ بھی ملے جو کہ عام صفحوں پر چھاپے گئے تھے۔

قانون کے مطابق کسی کو بھی پیسوں کی چھاپنے کی جرم میں کم سے کم ایک سال کی قید کی سزا ہوسکتی ہے جب کہ مجرم کے ساتھ کوئی ٹیم یا گینگ اس معاملے میں ملوث ہو تو سزا 2 سال سے زیادہ ہوسکتی ہے۔

from سچ ٹی وی اردو - تازہ ترین خبریں https://ift.tt/2OgmXl4

• Tweet
• Share
• Share
• Share
• Share