بہاولپور میں کارکنان سے خطاب کرتے ہوئے مسلم لیگ (ن) کی نائب صدر مریم نواز نے اسلام آباد میں بچی سے زیادتی و قتل کی مذمت کرتے ہوئے کہا کہ فرشتہ مہمند پاکستان کی بیٹی تھی۔ اس کیلئے آواز اٹھائیں گے، نالائقوں کی حکومت غریب عوام کیلئے سانحہ سے کم نہیں۔ لوگ روز صبح اٹھ کر مہنگائی کی خبر سنتے ہیں، 10 ماہ میں ایک اچھی خبر نہیں سنی۔
انہوں نے کہا کہ مہنگائی کی وجہ سے میاں بیوی میں لڑائیاں ہورہی ہیں کیونکہ آمدنی کم اور خرچے دگنے ہوگئے ہیں۔ مریم نواز نے کہا کہ نالائق اعظم کو وزیراعظم نہیں کہتی، یہ چور دروازے سے چوری کرکے آیا ہے۔ اپوزیشن کی ایک افطاری سے ان کی ٹانگیں کانپتی ہیں۔ غلط کام کرکے آگے آتا ہے اس کی ٹانگیں کانپتی ہیں۔ نالائق اعظم کہتا تھا کسی کے آگے ہاتھ نہیں پھیلاؤں گا۔
انہوں نے کہا کہ بھیک تو نہیں مانگی پورے ملک کے خزانے کی چابیاں آئی ایم ایف کو دے دیں۔ ملک میں ہر چیز مہنگی ہے صرف دو چیزیں روپے کی قیمت اور ملکی خودمختاری سستی ہے۔ مسلم لیگ (ن) کی رہنما نے مزید کہا کہ تبدیلی کے دعویداروں نے ملک کا برا حال کر دیا ہے۔ کچھ عرصے کےبعد ان کا پورا چہرا بےنقاب ہو جائے گا۔ لوگ ان کے بھیانک چہرےکودیکھ رہےہیں۔
from سچ ٹی وی اردو - تازہ ترین خبریں http://bit.ly/2QiyxcH
0 comments: