صدر ڈاکٹر عارف علوی نے کہا ہے کہ حکومت ملک میں کاروبار دوست ماحول کے فروغ کےلئے ہر ممکن اقدامات کررہی ہے۔
تفصیلات کے مطابق آج اسلام آباد میں پاکستان ٹیکسٹائل ایکسپوٹر ایسوسی ایشن کے چیئرمین خرم مختار کی قیادت میں ایک وفد سے باتیں کرتےہوئے صدر ڈاکٹر عارف علوی نے کہا کہ ملک کے سخت معاشی حالات نے مشکل فیصلے کرنے پر مجبور کیا ہے تاہم حکومت معیشت کو بہتر بنانے کےلئے پرعزم ہے۔
انہوں نے کہا کہ حکومت کی حکمت عملی کا ایک اہم پہلو یہ ہے کہ غیر ضروری اور پرتعیش اشیا کی درآمد کم کرکے تجارتی خسارہ کم کیا جائے۔
صدر نے کہا کہ حکومت کاروباری لاگت کم کرنے کےلئے بھی اقدامات کررہی ہے اور اس نے ٹیکسٹائل، چمڑے، کارپٹ، آلات جراحی اور کھیلوں کے سامان سمیت برآمدی شعبے کےلئے سیلز ٹیکس کے مکمل خاتمے کا قانون متعارف کرایا ہے۔
from سچ ٹی وی اردو - تازہ ترین خبریں http://bit.ly/2Q3BoWV
0 comments: