Monday, May 27, 2019

وہاب ریاض اور محمد عامر کی واپسی سے پاکستان کا باؤلنگ اٹیک مظبوط ہوا: شاہین آفریدی

پاکستان کے نوجوان فاسٹ باؤلر شاہین شاہ آفریدی
پاکستان کے نوجوان فاسٹ باؤلر شاہین شاہ آفریدی نے کہا ہے کہ انگلینڈ کے خلاف مشکل سیریز کھیلنے کے بعد پاکستان ٹیم ورلڈ کپ کے لیے پوری طرح تیار ہے۔ وہاب ریاض اور محمد عامر کی واپسی سے پاکستان کا باؤلنگ اٹیک مظبوط ہوا۔

کارڈف میں میڈیا سے گفتگو میں شاہین شاہ آفریدی نے کہا کہ بنگلہ دیش کے خلاف دوسرا پریکٹس میچ بارش کی نذر ہونے کے باوجود پاکستان ٹیم کی ورلڈ کپ کے لیے تیاریاں مکمل ہیں۔

شاہین شاہ آفریدی نے کہا کہ وہاب ریاض اور محمد عامر کی واپسی سے پاکستان کا باؤلنگ اٹیک مظبوط ہوا ہے، ان کی اسکواڈ میں واپسی خوش آئند ہے اور اس کی بدولت پاکستان کی باؤلنگ لائن کے تجربے میں بیش بہا اضافہ ہوا ہے۔

انہوں نے کہا کہ دونوں کھلاڑی بہت سینئر اور تجربہ کار ہیں، انہوں نے دنیا بھر میں بہت کرکٹ کھیلی ہے، یہ میرا ورلڈ کپ ہے اور اس لحاظ سے ان دونوں کی اس ایونٹ میں موجودگی میرے لیے بہت مددگار ثابت ہو گی۔

انہوں نے انگلینڈ کے خلاف سیریز میں 0-4 سے شکست کا مایوسی کا اظہار کرتے ہوئے تسلیم کیا کہ مذکورہ سیریز انتہائی سخت تھی لیکن اس سے قومی ٹیم کو ورلڈ کپ کے لیے بھرپور تیاریوں کا موقع ملا۔

انہوں نے کہا کہ ہم عالمی نمبر ایک ٹیم کے خلاف اس کے ہوم گراؤنڈ پر کھیل رہے تھے لہٰذا یہ سیریز انتہائی سخت تھی لیکن اس سے ہماری اچھی تیاری ہو گئی ہے کیونکہ اب بڑا مرحلہ آ گیا ہے۔

پاکستانی ٹیم ورلڈ کپ میں اپنا پہلا میچ 31 مئی کو ناٹنگھم میں ویسٹ انڈیز کے خلاف کھیلے گی۔



from سچ ٹی وی اردو - تازہ ترین خبریں http://bit.ly/2HZDtiT

Related Posts:

0 comments:

Popular Posts Khyber Times