تفصیلات کے مطابق پشاور میں وفاقی وزیرمذہبی امورنورالحق قادری نے قومی علماء کانفرنس سے خطاب کرتے ہوئے کہا کہ ریاست مدینہ کے حوالے سے سفارشات علماء کا کام ہے۔
انہوں نے کہا کہ مدارس کی بندش سے متعلق محض پروپیگنڈا کیا جا رہا ہے، مدارس کو بند کرنے کے کسی بھی پروپیگنڈے کا حصہ نہ بنیں۔
نورالحق قادری نے کہا کہ ریاست مدینہ کے حوالے سے سفارشات علماء کا کام ہے، وزیراعظم نے اسلامی فلاحی ریاست کی بات کی، پاکستان کوآزاد فلاحی ریاست بنانا اس حکومت کی ترجیح ہے۔
نورالحق قادری نے مزید کہا کہ ریاست مدینہ کا مطلب لوگوں کوخوشحالی دینا ہے، مفت حج کروانا نہیں۔
یاد رہے کہ یکم فروری کو وفاقی وزیرمذہبی امورنورالحق قادری کا کہنا تھا کہ ریاست مدینہ کا مطلب لوگوں کو خوشحالی دینا ہے، ریاست مدینہ کا مطلب یہ نہیں کہ لوگوں کومفت حج کراؤں، میں حج پر ضرور جاؤں گا اورانشااللہ اپنے خرچے پر جاؤں گا۔
نورالحق قادری کا کابینہ سے ناراضگی کا تاثرغلط قرار دیتے ہوئے کہنا تھا کابینہ کاحصہ ہوں میں کیسے ناراض ہوں گا، ایک فون کال کے لیے کابینہ کے اجلاس سے باہر گیا تھا، جسے ناراضی ظاہرکیا گیا۔
from سچ ٹی وی اردو - تازہ ترین خبریں http://bit.ly/2PB3Qz5
0 comments: