بھارت سے2 ہزار کے قریب سکھ یاتری خصوصی ٹرینوں کے ذریعے اٹاری سے واہگہ ریلوے اسٹیشن پہنچے، سکھ یاتریوں کوواہگہ ریلوے اسٹیشن پر متروکہ وقف املاک بورڈکے چیئرمین طاہراحسان، سیکرٹری بورڈ طارق وزیرخا ن، سکھ گوردوارہ پربندھک کمیٹی کے صدر سردار تاراسنگھ اور ایم پی اے مہیندرپال سنگھ اورسرداربشن سنگھ نے استقبال کیا۔
بھارتی سکھ یاتریوں کو جتھہ لیڈر سردار ونندر سنگھ اورسرداردلجیت سنگھ سرنا کے ہمراہ میڈیا سے بات کرتے ہوئے چیئرمین متروکہ وقف املاک بورڈ طاہر احسان نے کہا کہ وہ بھارتی مہمانوں کو گورو نانک کی دھرتی پرخوش آمدید کہتے ہیں، پاکستان میں گورونانک دیوجی کا 550 واں جنم دن منانے کی تیاریاں بھرپورطریقے سے جاری ہیں، بھارت سمیت دنیا بھرسے سکھ یاتریوں کو مدعو کیا جا رہا ہے۔
وزیر اعظم پاکستان عمران خان اور وفاقی وزیر مذہبی امور پیر نور الحق قادری کی کے احکاما ت کے مطابق سکھ یاتریو ںکی مہمان نوازی کے لیے تمام تر سہولیات بروئے کار لائی جائیں گی۔ انہوں نے کہا کہ اتنی زیادہ تعداد میں سکھ یاتریوں کا آنا اس بات کی دلیل ہے کہ پاکستان پر امن اور اقلیت نواز ملک ہے ۔سکھ یاتریوں کی سیکورٹی ، رہائش، قیا م و طعام، سفری و میڈیکل سمیت تما م سہولیات و انتظامات مکمل ہیں۔ جو پچھلے سال کی نسبت اس بارزیادہ بہتر ہونگے۔
پاک فوج، رینجرز اور پنجاب پولیس کے جوان یاتریوں ہمراہ رہیں گے سکھ گوردوارہ پربندھک کمیٹی کے پردھان سردار تارا سنگھ نے بتایا کہ سکھ یاتریوں کو یہاں سے سپیشل ٹرینوں کے ذریعے گوردوارہ پنجہ صاحب حسن ابدال پہنچایا جارہا ہے جہاں 14 اپریل کو خالصہ جنم دن اوربیساکھی کی مرکزی تقریب ہوگی۔
مرکزی تقریب میں اندرون اوربیرون ملک سے آئے ہوئے 25 ہزار سکھ یاتری شریک ہوں گے۔انہوں نے سکھ یاتریوں کو پاکستان میں قیام اورمختلف گوردواروں پر حاضری کے شیڈول سے بھی آگاہ کیا۔
from سچ ٹی وی اردو - تازہ ترین خبریں http://bit.ly/2KEZcBs
0 comments: