تحریک انصاف کے رہنما جہانگیر ترین نے سوشل میڈیا پر صارف فرحان ورک کو مخاطب کرتے ہوئے کہا کہ ان کی جانب سے اسد عمر کے خلاف چلائی جانے والی مہم کی وہ مذمت کرتے ہیں۔
جہانگیر ترین نے کہا کہ 'اسد عمر اور میں نے مل کر 8 سال 'اسٹیٹس کو' کے خلاف جدوجہد کی اور میں آج بھی اُن کی جدوجہد کو احترام کی نظر سے دیکھتا ہوں'۔
جہانگیر ترین کا کہنا تھا کہ 'کابینہ سے جانے کے باوجود اسد عمر کا اہم مقام ہے جو قائم رہے گا اور پوری جماعت اسد عمر کے کردار کو قدر کی نگاہ سے دیکھتی ہے'۔
I vehemently condemn Farhan Virk's campaign against Asad Umar. Asad & I have struggled together against the status-quo for more than 8 years & I hold him in the highest regard. Asad continues to be part and parcel of PTI senior leadership and we all value his role.
— Jahangir Khan Tareen (@JahangirKTareen) April 21, 2019
یاد رہے کہ 18 اپریل کو اسد عمر نے ایک ٹوئٹ پیغام کے ذریعے وزارت خزانہ سے علیحدگی کا اعلان کیا تو فرحان ورک نے اس پر تبصرہ کرتے ہوئے کہا تھا کہ 'آپ لوگ جھوٹ کیوں بولتے ہیں؟ پرسوں بتا دیتے، تین دن اسد عمر کا دفاع کرو اور صحافیوں کو رگڑو اور چوتھے دن صحافی سچے ہم سب جھوٹے، سمجھ ہی نہیں آ رہی آپ لوگ کرنا کیا چاہ رہے ہو۔
from سچ ٹی وی اردو - تازہ ترین خبریں http://bit.ly/2GxN3d9
0 comments: