فخرِ پاکستان، مکسڈ مارشل آرٹ انیتا نثار نے بین الاقوامی فائٹ مقابلہ جیت لیا

ہنزہ سے تعلق رکھنے والی ایتھلٹ انیتا نثار نے سنگاپور میں منعقد بین الاقوامی فائٹ مقابلے میں حصہ لیا جس میں انہوں نے انڈونیشیا کی گیتا سوہارسونو کو شکست سے دوچار کیا۔

پاکستان کی پہلی خاتون مکسڈ مارشل آرٹ فائٹر انیتا نثار نے شاندار صلاحیتوں کا مظاہرہ کرتے ہوئے بین الاقوامی مقابلہ جیت کر ملک کا نام روشن کردیا۔

فائٹ کے دوران انہوں نے گیتا سوہارسونو کے خلاف ساؤتھ پو اسٹرائک استعمال کی اور خوب دیدہ دلیری سے مقابلہ کیا، مقابلے کے تینوں ججز نے انہیں فاتح قرار دیا اور انعام سے نوازا۔

انیتا نثار نے 2017 میں مکس مارشل آرٹس کی تربیت لینا شروع کی تھی جس کے بعد انہوں نے سب سے پہلے اسلام آباد میں منعقدہ دی فائٹ فوٹریس مقابلے میں حصہ لیا تھا۔

بعدازاں انہوں نے پاکستان گریپلنگ چیلنج میں تین ایتھلٹس کو شکست دے کر دو گولڈ میڈلز اپنے نام کیے۔

Proud Moment !!
Anita Nisar became the first female fighter from #Hunza to win two gold medal in MMA (Mixed Martial Arts) competition held by Pakistan Grappling Challenge (PGC) at Islamabad Sports Complex. ?♥️#DaughterOfNation pic.twitter.com/H0ZJJcLuc0

— Shaan (@Shanyousaf6) May 21, 2018

انیتا نثار کا کہنا ہے کہ ’مکس مارشل آرٹس حوصلہ دیتا اور خودمختار بناتا ہے، بلا شبہ جب ضرورت پڑے اس سے آپ اپنا دفاع بھی کرسکتے ہیں‘۔

ان کا مزید کہنا تھا کہ ملک میں کرکٹ کے علاوہ دیگر کھیلوں کو بھی فروغ دینا چاہیے۔

from سچ ٹی وی اردو - تازہ ترین خبریں https://ift.tt/2Tp8O6d

• Tweet
• Share
• Share
• Share
• Share