اگر آپ کو بالوں کے گرنے کا سامنا ہے تو بہتر تو یہ ہے کہ کسی ڈاکٹر سے رجوع کرکے اس کی جڑ تلاش کریں۔
تاہم بالوں کی صحت مند نشوونما کے لیے آپ کے کچن میں موجود پیاز بھی آپ کو مدد فراہم کرسکتی ہے۔
جی ہاں پیاز کا عرق بالوں کی نشوونما کے لیے انتہائی مفید ثابت ہوتا ہے۔
طبی جریدے جرنل آف ڈرماٹولوجی میں شائع ایک تحقیق کے مطابق پیاز کا عرق بالوں کی نشوونما میں بہت زیادہ معاونت کرتا ہے۔
اس تحقیق کے دوران رضاکاروں کے سروں پر 6 ہفتے تک دن میں دو بار اس عرق کو ملا گیا، نتائج سے معلوم ہوا کہ یہ عرق ایسا قدرتی طریقہ علاج ہے جو بالوں کو گرنے سے روک کر ان کی نشوونما بہتر بناتا ہے۔
پیاز میں سلفر پایا جاتا ہے جو دوران خون کو بہتر ، کولیگن کی نشوونما میں تیزی اور جراثیم کش ہونے کے باعث سر کے انفیکشنز کی روک تھام کرتی ہے۔
اس کے استعمال کے لیے پیاز کے عرق کو سر پر لگا کر پندرہ منٹ کے لیے چھوڑ دیں، پھر بالوں کو شیمپو سے دھولیں۔
اس کے علاوہ 2 کھانے کے چمچ پیاز کا عرق، 2 کھانے کے چمچ ناریل کا تیل اور 5 قطرے ٹی ٹری آئل (اگر خشکی کا سامنا ہو) کو مکس کریں۔
اس کے بعد اس مکسچر کو اپنے سر پر لگا کر کچھ منٹ تک مالش کریں اور پھر 30 منٹ کے لیے چھوڑ کر بالوں کو شیمپو سے دھولیں۔
یہ طریقہ کار ہر دوسرے دن استعمال کریں جو کہ بالوں کی نشوونما کے عمل کو تیز کردے گا۔
اسی طرح ڈیڑھ چمچ زیتون کے تیل اور 3 کھانے کے چمچ پیاز کے عرق کو مکس کرکے مکسچر بنائیں اور اس سے سر پر اچھی طرح مالش کرکے 2 گھنٹے کے لیے چھوڑ دیں۔
اس کے بعد سر کو شیمپو سے دھولیں۔
یہ طریقہ کار بھی بالوں کی نشوونما تیز کرتا ہے جبکہ بالوں کی نمی اور نرمی واپس آتی ہے۔
from سچ ٹی وی اردو - تازہ ترین خبریں https://ift.tt/2HITzzR
0 comments: