سرکاری اسکیم کے تحت حج درخواستوں کی قرعہ اندازی آج شام 4 بجے اسلام آباد میں ہوگی۔
ترجمان وزارت مذہبی امور کا کہنا ہے کہ درخواست گزاروں کو نتائج کی اطلاع بذریعہ ایس ایم ایس دی جائے گی جب کہ وزارت مذہبی امور کی ویب سائٹ پر بھی نتائج کی فہرست جاری کی جائے گی۔
اس مرتبہ ایک لاکھ 84 ہزار 210 پاکستانی فریضہ حج ادا کریں گے جس میں سرکاری اسکیم کے تحت ایک لاکھ 7 ہزار 526 اور نجی اسکیم کے ذریعے 71 ہزار 684 عازمین حجاز مقدس جائیں گے۔
وزارت مذہبی امور کی جانب سے حج اخراجات 4 لاکھ 36 ہزار975 روپے مقرر کیے گئے ہیں اور حاجیوں کو قربانی کے لیے 19 ہزار 451 روپے الگ سے ادا کرنا ہوں گے۔
from سچ ٹی وی اردو - تازہ ترین خبریں https://ift.tt/2VTX1uu
0 comments: