سیلفی کیمرا کے منفرد ڈیزائن سے لیس اوپو کا نیا اسمارٹ فون

چینی کمپنی اوپو کو سیلفی کیمرا فونز کے لیے جانا جاتا ہے اور وہ ان کے ڈیزائن کو مسلسل بدلتی رہتی ہے اور اب ایک ایسا ہی نیا خیال نئے فون میں حقیقت کا روپ دھارنے والا ہے۔

اوپو کے نئے فون رینو میں سیلفی کیمرے کو بالکل مختلف انداز سے چھپایا گیا ہے جو کہ روایتی سلائیڈر کیمرے سے ہٹ کر ہے۔

اس فون کی کئی تصاویر بشمول ویڈیو سلیش لیکس نے لیک کی ہے، جن سے معلوم ہوتا ہے کہ اس میں سیلفی کیمرا مستطیل (ریکٹینگولر) پوپ اپ باکس میں چھپا ہوا ہے اور یہ فون کے دائیں جانب سے نمودار ہوتا ہے۔

اس سے ہٹ کر یہ پوپ اپ کیمرا دیگر پوپ اپ کیمروں جیسا ہی ہے اور یہ اس وقت نمودار ہوتا ہے جب صارف سیلفی کیمرا ایپ ٹرن آن کرتے ہیں اور اسے ٹرن آف کرنے پر چھپ جاتا ہے۔

اس نئے ڈیزائن کا کیا فائدہ ہے وہ تو ابھی واضح نہیں مگر ہوسکتا ہے کہ کمپنی کو یہ ڈیزائن بہترین محسوس ہوا ہو۔

اس فون کے بیک پر ڈوئل کیمرا سیٹ اپ دیا جارہا ہے اور فرنٹ پر بیزل نہ ہونے کے برابر ہیں۔

اس میں اسنیپ ڈراگون 710 پراسیسر دیا جائے گا مگر اسنیپ ڈراگون 855 کا ورژن بھی متعارف کرائے جانے کا امکان ہے۔

یہ فون تین مختلف ورژن میں دستیاب ہوگا یعنی سکس جی بی ریم اور 128 جی بی اسٹوریج، 6 جی بی ریم اور 256 جی بی اسٹوریج اور 8 جی بی ریم اور 256 جی بی اسٹوریج کے آپشن دیئے جائیں گے۔

6?4 انچ امولیڈ ڈسپلے والے اس فون میں فنگرپرنٹ سنسر اسکرین کے اندر ہوگا جبکہ 3680 ایم اے ایچ بیٹری دی جائے گی۔

اسنیپ ڈراگون 710 پراسیسر والے فون میں بیک پر 48 میگا پکسل اور 5 میگا پکسل کیمرا سیٹ اپ دیا گیا ہے جبکہ 16 میگا پکسل سیلفی کیمرا ہوگا۔

اسنیپ ڈراگون 855 پراسیسر والے ورژن میں بیک پر تین بیک کیمروں کا سیٹ اپ، لیکوئیڈ کولنگ اور 50 واٹ فاسٹ چارجنگ سپورٹ والی بڑی بیٹری دی جائے گی۔

from سچ ٹی وی اردو - تازہ ترین خبریں https://ift.tt/2Uj2NIH

• Tweet
• Share
• Share
• Share
• Share