تفصیلات کے مطابق وسیم اکرم نے سماجی رابطے کی ویب سائٹ ٹویٹر پر اپنے ٹویٹ میں کہا کہ وزیر اعظم عمران خان کے لیڈر بننے کے بعد پاکستان درست سمت جا رہا ہے، کئی سالوں بعد قوم اپنے آپ کو مثبت اور محفوظ سمجھ رہی ہے۔
وسیم اکرم نے وزیر اعظم کو خراج تحسین پیش کرتے ہوئے کہا کہ عمران خان کو نوبل امن انعام کی ضرورت نہیں، ہماری نظروں میں عمران خان نوبل امن انعام حاصل کر چکے ہیں۔
Our country has taken a gigantic step in the right direction since you became our leader.The people of our nation are positive and feel safe for the first time in years. Skipper, you don’t need to be awarded the Nobel Peace prize, in our eyes you already have it! #NayaPakistan ?? https://t.co/m8tUPjzL7S
— Wasim Akram (@wasimakramlive) March 4, 2019
خیال رہے کہ وزیر اعظم عمران خان کی جانب سے سرحدی دراندازی کرنے والے بھارتی پائلٹ ابھینندن کو جذبہ خیر سگالی کے طور پر واپس اس کے وطن بھجوانے کے بعد دنیا بھر میں ان کے اس اقدام کی پذیرائی کی جارہے ہے۔
سماجی رابطے کی ویب سائٹ ٹویٹر پر ٹرینڈ بھی مقبول ہوا جس میں وزیر اعظم کو امن کے نوبل انعام کا صحیح حقدار قرار دیا گیا۔
سوشل میڈیا پر دنیا بھر سے وزیر اعظم عمران خان کو امن کا سفیر قرار دے کر انہیں امن کا نوبل انعام دینے کی مہم بھی شروع کی گئی، آن لائن درخواست پر اب تک ڈیڑھ لاکھ سے زائد افراد دستخط کرچکے ہیں۔
وزیر اعظم کو امن کا نوبل انعام دینے کے لیے قومی اسمبلی میں قرارداد بھی جمع کروائی گئی تھی، قرارداد میں کہا گیا تھا کہ وزیر اعظم نے پاک بھارت کشیدگی کم کرنے میں دانشمندانہ کردار ادا کیا اور مہارت سے صورتحال کو امن کی جانب موڑا۔
تاہم آج صبح وزیر اعظم نے ٹویٹر پر اپنے پیغام میں کہا کہ میں نوبل پرائز کا حق دار نہیں، حقدار وہ شخص ہوگا جو کشمیریوں کی رائے کے مطابق کشمیر کے مسئلے کا حل اور برصغیر میں انسانی ترقی اور امن کا راستہ نکالے۔
I am not worthy of the Nobel Peace prize. The person worthy of this would be the one who solves the Kashmir dispute according to the wishes of the Kashmiri people and paves the way for peace & human development in the subcontinent.
— Imran Khan (@ImranKhanPTI) March 4, 2019
from سچ ٹی وی اردو - تازہ ترین خبریں https://ift.tt/2ExNxxH
0 comments: