ملک کے مختلف علاقوں میں ہندو برادری کے افراد رہائش پذیر ہیں وہاں ہولی کی خوشیاں منائی جارہی ہیں، تھر کا صحرا بھی ہولی کے رنگوں میں رنگ گیا ہے۔
اسکولوں اور کالجوں میں بھی ہولی کی مناسبت سے تقریبات منعقد کی جارہی ہیں جہاں لوگ رقص اور رنگوں سے خوب لطف اندوز ہوتے نظر آرہے ہیں۔
لاہور میں شام پانچ بجے راجپوت سوسائٹی اور ملک شادی ہال گلبرگ نمبر 3 میں ہولی فیسٹول منایا جائے گا جب کہ کراچی میں ہولی کی تقریب شام 6 بجے سولجر بازار میں ہوگی۔
سکھر میں رات 9 بجے ہندو برادری کی جانب سے ہولی کا پروگرام منعقد کیا جارہا ہے جس میں 23 مارچ کی مناسبت سے کیک بھی کاٹا جائے گا اور ہندو برادری ملک سے محبت کا اظہار کرے گی۔
حیدرآباد میں دوپہر 3 بجے جامشورو روڈ پر ہولی کی تقریب منعقد ہوگی۔
اس موقع پر حکومت پاکستان اور سیاسی رہنماؤں کی جانب سے بھی ہندو برادری کو ہولی کی مبارک باد پیش کی جارہی ہے۔
وزیراعظم عمران خان نے ٹوئٹر پیغام میں ہندو برادری کو ہولی کی مبارک باد پیش کی اور اسے رنگوں کا تہوار قرار دیتے ہوئے نیک تمناؤں کا اظہار کیا۔
Wishing our Hindu community a very happy and peaceful Holi, the festival of colours.
— Imran Khan (@ImranKhanPTI) March 20, 2019
چیئرمین پیپلز پارٹی بلاول بھٹو زرداری نے ٹوئٹر پیغام میں ہندو برادری کو ہولی کی مبارک باد پیش کی اور لکھا کہ سب مل کر امن اور خوشیوں کا پیغام پھیلاتے ہیں۔
Happy Holi to all my Hindu brothers & sisters. On the happy occasion of Holi, let us spread the wonderful massage of peace and happiness. pic.twitter.com/4Gg8blgjJX
— BilawalBhuttoZardari (@BBhuttoZardari) March 20, 2019
from سچ ٹی وی اردو - تازہ ترین خبریں https://ift.tt/2JrrXAN
0 comments: