دفترخارجہ کے ترجمان ڈاکٹر محمد فیصل نے کہا ہے کہ پاکستان کو بھارت کی جے پور جیل میں پاکستانی قیدی شاکر اﷲ کے بہیمانہ قتل سے متعلق ذرائع ابلاغ کی اطلاعات پر گہری تشویش ہے۔
ایک بیان میں انہوں نے کہاکہ پلوامہ واقعے کے جواب میں بھارتی قیدیوں کے ایک گروپ نے شاکر اﷲ کو تشدد کرکے قتل کیا۔ ترجمان نے کہا کہ نئی دہلی میں پاکستانی ہائی کمیشن نے بھارتی حکام کے ساتھ یہ معاملہ سرکاری سطح پر اٹھایا ہے اور ان سے فوری طورپر اطلاع کی تصدیق کی درخواست کی تاہم پاکستان ابھی تک جواب کا منتظر ہے۔
انہوں نے کہاکہ ادھر ہم نے بھارتی حکومت سے مطالبہ کیا ہے کہ وہ اپنی ذمہ داری پوری کرے اور بھارتی جیلوں میں تمام پاکستانی قیدیوں اور بھارت کا دورہ کرنے والے کرنے والے پاکستانی شہریوں کو مکمل سیکیورٹی کی فراہمی یقینی بنائے۔
from سچ ٹی وی اردو - تازہ ترین خبریں https://ift.tt/2GzspdV
0 comments: