تفصیلات کے مطابق سندھ ہائی کورٹ میں بےنظیر میڈیکل کالج لیاری کی 50 فیصد نشستیں کم کرنے سے متعلق کیس کی سماعت ہوئی۔
عدالت نے بےنظیر میڈیکل کالج لیاری کی پرانی 100 نشستیں بحال کرنے اور حکومت سندھ کو 3 ماہ میں کالج میں اساتذہ، اسٹاف مکمل کرنے کا حکم دیا۔
سندھ ہائی کورٹ نے سندھ حکومت کے پاس موجود سمریز 15 دن میں منظور کرنے اور پی ایم ڈی سی کو لیاری کالج کی نئی فیکلٹی رجسٹر کرنے کا حکم بھی دیا۔
عدالت نے کیس کی سماعت کے دوران ریمارکس دیے کہ کالج کو اپنا سمجھ کر چلائیں۔
یاد رہے کہ گزشتہ ماہ 24 جنوری کو سماعت کے دوران پی ایم ڈی سی نے عدالت کو بتایا تھا کہ اساتذہ اور سہولیات کی کمی کی وجہ سے نشستیں کم کی گئیں۔
ایڈیشنل سیکرٹری صحت کا کہنا تھا کہ اساتذہ کی تقرری اور دیگر امور کے لیے سمریز بھیج دی گئیں ہیں، کالج پرنسپل کا کہنا تھا کہ کالج میں دو پروفیسرز اور 2 اسسٹنٹ پروفیسرز کی کمی ہے۔
عدالت نے اساتذہ کی تقرریوں کی سمریز کی منظوری کے لیے مہلت دیتے ہوئے کالج میں جاری ترقیاتی کاموں سے متعلق رپورٹ بھی طلب کی تھی۔
from سچ ٹی وی اردو - تازہ ترین خبریں http://bit.ly/2Br9f5X
0 comments: