پی ایس ایل کے چوتھے ایڈیشن کے سنسنی خیز مقابلے جاری ہیں، آج پشاور زلمی اور اسلام آباد یونائیٹڈ کی ٹیمیں مدمقابل ہوں گی جب کہ کوئٹہ گلیڈی ایٹرز کا ٹاکرا ملتان سلطانز سے ہوگا۔
دبئی انٹرنیشنل کرکٹ اسٹیڈیم میں اسلام آباد یونائیٹڈ اور پشاور زلمی پاکستانی وقت کے مطابق شام ساڑھے چار بجے آمنے سامنے ہوں گی جب کہ رات 9 بجے ملتان سلطانز اور کوئٹہ گلیڈی ایٹرز کی ٹیمیں مدمقابل ہوں گی۔
پشاور زلمی اب تک 6 میں سے 4 میچز میں فاتح ہے جب کہ اسلام آباد یونائیٹڈ 7 میں سے 4 میچز میں کامیاب ہے۔
کوئٹہ گلیڈی ایٹرز 6 میں سے 4 میچز جیت چکی ہے جب کہ ملتان سلطانز 7 میں سے اب تک 2 میچز میں کامیاب رہی ہے۔
پوائٹس ٹیبل پر پشاور زلمی 8 پوائنٹس کے ساتھ سرفہرست ہے جب کہ اسلام آباد یونائیٹڈ 8 پوائنٹس کے ساتھ دوسرے، کوئٹہ گلیڈی ایٹرز 8 پوائنٹس کے ساتھ تیسرے اور ملتان سلطانز 4 پوائنٹس کے ساتھ چھٹے یعنی آخری نمبر پر ہے۔
from سچ ٹی وی اردو - تازہ ترین خبریں https://ift.tt/2T6uJQl
0 comments: