جالندھر میں تیندوے نے دہشت پھیلادی، حملے میں 4 افراد زخمی

تیندوا ایک شخص پر حملہ کر رہا ہے جبکہ بقیہ افراد اس کے حملے سے بچنے کے لیے بھاگ رہے ہیں

بھارتی ریاست پنجاب کے شہر جالندھر میں تیندوے کے آنے سے پورے شہر میں کئی گھنٹوں تک دہشت کا سماں رہا اور چھ گھنٹے کی سخت محنت کے بعد بالآخر اسے بے ہوش کر کے قابو کر لیا گیا۔

8لاکھ نفوس پر مشتمل اس شہر میں تیندوا کئی گھنٹوں تک گلیوں اور سڑکوں کی دہشت کی علامت بنا گھومتا رہا اور اس دوران متعلقہ حکام کی اسے پکڑنے کی تمام تر کوششیں ناکام ہو گئیں۔

جمعرات کو سوشل میڈیا پر وائرل ہونے والی ویڈیو میں تیندوے کو شہر بھر میں ادھر سے ادھر بھاگتے دیکھا جا سکتا ہے۔ تیندوے کے حملے کے نتیجے کل چار افراد زخمی ہوئے لیکن ان تمام افراد کی حالت خطرے سے باہر ہے۔

یہ تمام افراد تیندوے کو دیکھنے کے لیے جمع ہوئے تھے لیکن بعدازاں شہر سے بھاگنے کے لیے کوشاں جنگلی جانور کے حملے میں زخمی ہو گئے۔

VIDEO: A leopard drew crowds in the Indian city of Jalandhar after it went on the prowl for several hours and attacked inhabitants before being tranquilized and taken to a zoo pic.twitter.com/hO5ZrJOqAr
— AFP news agency (@AFP) February 1, 2019

کچھ رپورٹس کے مطابق شہریوں نے جنگلی جانور پر پتھر بھی پھینکے تاکہ نہ صرف اپنا بچاؤ کیا جا سکے بلکہ کسی میدانی علاقے کی جانب بھیجا جا سکے۔

ریاست پنجاب کے محکمہ جنگلات کے حکام کے مطابق یہ تیندوا ہماچل پردیش کے قریب واقع پہاڑی علاقوں سے تعلق رکھتا ہے اور صحراؤں، جنگلوں اور میدانوں ست ہوتا ہوا پنجاب آ پہنچا۔

بالآخر چھ گھنٹے کی انتھک محنت کے بعد تیندوے کو ایک گھر کے کونے میں دھکیل دیا گیا جہاں اسے بے ہوش کر کے قابو کیا گیا۔ ابتدائی طور پر محکمہ جنگلی حیات کے حکام نے تیندوے کو جال کے ذریعے پکڑنے کی کوشش کی لیکن ناکامی پر بے ہوش کرنے کا فیصلہ کیا گیا۔

بے ہوش تیندوے کو پنجرے میں ڈال کر چھتبیر جیل منتقل کردیا گیا جہاں کچھ دن تک اس کا جائزہ لینے کے بعد مستقبل کا فیصلہ کیا جائے گا۔

from سچ ٹی وی اردو - تازہ ترین خبریں http://bit.ly/2S1vKZt